ﺧﯩﺘﺎﻱ ﻛﻮﻧﺴﯘﻟﺨﺎﻧﯩﺴﻰ ﺋﺎﻟﺪﯨﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﺑﯘ ﻧﺎﻣﺎﻳﯩﺸﻘﺎ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﺎﻣﻤﯩﯟﻯ ﺗﻪﺷﻜﯩﻼﺕ ﺋﻪﺯﺍﻟﯩﺮﻯ، ﺋﯩﺴﺘﺎﻧﺒﯘﻝ ﺷﻪﻫﺮﯨﺪﻩ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭ ﻗﺎﺯﺍﻗﻼﺭ ﯞﻩ ﺋﯘﻳﻐﯘﺭﻻﺭﻧﯩﯔ ﺩﻭﺳﺘﻠﯩﺮﻯ ﺑﻮﻟﯘﭖ 200 ﺩﯨﻦ ﺋﺎﺭﺗﯘﻕ ﻛﯩﺸﻰ ﺋﯩﺸﺘﯩﺮﺍﻙ ﻗﯩﻠﺪﻯ.

ﻧﺎﻣﺎﻳﯩﺸﭽﯩﻼﺭ ﺋﯩﺴﺘﺎﻧﺒﯘﻟﻨﯩﯔ ﺯﻩﻳﺘﯘﻧﺒﯘﺭﻧﯘ ﺭﺍﻳﻮﻧﯩﺪﯨﻦ ﺋﺎﭘﺘﻮﺑﯘﺱ ﯞﻩ ﻛﯩﭽﯩﻚ ﻣﺎﺷﯩﻨﯩﻼﺭ ﺑﯩﻠﻪﻥ ﺧﯩﺘﺎﻱ ﻛﻮﻧﺴﯘﻟﺨﺎﻧﯩﺴﻰ ﺋﺎﻟﺪﯨﻐﺎ ﻗﺎﺭﺍﭖ ﻳﻮﻟﻐﺎ ﭼﯩﻘﺘﻰ. ﻧﺎﻣﺎﻳﯩﺸﭽﯩﻼﺭ ﻗﻮﻟﻠﯩﺮﯨﺪﺍ ﺋﺎﻱ ﻳﯘﻟﺘﯘﺯﻟﯘﻕ ﻛﯚﻙ ﺑﺎﻳﺮﺍﻕ ﻛﯚﺗﯜﺭﯛﯞﺍﻟﻐﺎﻥ ﯞﻩ " ﻣﻪﺯﻟﯘﻣﻼﺭ ﺑﯘ ﻳﻪﺭﺩﻩ ﺋﯩﻨﺴﺎﻥ ﻫﻪﻗﻠﯩﺮﻯ ﻗﻪﻳﻪﺭﺩﻩ "،" ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺋﯩﻨﺴﺎﻥ ﻫﻪﻗﻠﯩﺮﯨﻨﯩﯔ ﺩﻩﭘﺴﻪﻧﺪﯨﭽﯩﻠﯩﻜﯩﮕﻪ ﺧﺎﺗﯩﻤﻪ ﺑﯧﺮﯨﻠﺴﯘﻥ"، " ﻣﻪﺯﻟﯘﻡ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻠﯩﻘﻼﺭ ﺗﯧﺮﺭﻭﺭﭼﻰ ﺋﻪﻣﻪﺱ" ﺩﯦﮕﻪﻧﺪﻩﻙ ﺷﻮﺋﺎﺭﻻﺭ ﻳﯧﺰﯨﻠﻐﺎﻥ ﯞﯨﯟﯨﺴﻜﺎ ‏- ﺗﺎﺧﺘﯩﻼﺭﻧﻰ ﻛﯚﺗﯜﺭﮔﻪﻥ ﻫﺎﻟﺪﺍ ﺧﯩﺘﺎﻱ ﻛﻮﻧﺴﯘﻟﺨﺎﻧﯩﺴﻰ ﺋﺎﻟﺪﯨﻐﺎ ﺗﻮﭘﻼﻧﺪﻯ. ﻧﺎﻣﺎﻳﯩﺸﭽﯩﻼﺭﻧﯩﯔ ﻛﯚﭘﯩﻨﭽﯩﺴﻰ ﻣﯩﻠﻠﻰ ﻛﯩﻴﯩﻤﻠﯩﺮﯨﻨﻰ ﻛﯩﻴﯩﺸﻜﻪﻥ ﺑﻮﻟﯘﭖ، ﺑﺎﺷﻠﯩﺮﯨﺪﺍ ﭼﯩﻤﻪﻥ ﺩﻭﭘﭙﺎ، ﻗﻮﻟﻠﯩﺮﯨﺪﺍ ﺋﺎﻱ ﻳﯘﻟﺘﯘﺯﻟﯘﻕ ﻛﯚﻙ ﺑﺎﻳﺮﺍﻕ ﻛﯚﺗﯜﺭﯛﯞﺍﻟﻐﺎﻥ، ﺑﻪﺯﻯ ﻳﺎﺷﻼﺭ ﻳﯜﺯﻧﯩﯔ ﺑﯩﺮ ﺗﻪﺭﯨﭙﯩﮕﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺑﺎﻳﺮﯨﻘﻰ ﻳﻪﻧﻪ ﺑﯩﺮ ﺗﻪﺭﯨﭙﯩﮕﻪ ﺗﯜﺭﻛﯩﻴﯩﻨﯩﯔ ﺑﺎﻳﺮﯨﻘﯩﻨﯩﯔ ﺭﻩﺳﯩﻤﯩﻨﻰ ﺳﯩﺰﯨﯟﺍﻟﻐﺎﻥ.

ﻧﺎﻣﺎﻳﯩﺸﺘﺎ ﭘﯘﺕ ‏- ﻗﻮﻟﻠﯩﺮﻯ ﺯﻩﻧﺠﯩﺮ ﻛﯩﺸﻪﻥ ﺑﯩﻠﻪﻥ ﺑﺎﻏﻼﻧﻐﺎﻥ ﺑﯩﺮ ﻗﺎﻧﭽﻪ ﻛﯩﺸﻰ ﻣﯘﺧﺒﯩﺮﻻﺭﻧﯩﯔ ﺋﺎﻻﻫﯩﺪﻩ ﺩﯨﻘﻘﯩﺘﯩﻨﻰ ﺗﺎﺭﺗﺘﻰ. ﻧﺎﻣﺎﻳﯩﺶ ﺟﻪﺭﻳﺎﻧﯩﺪﺍ ﺧﯩﺘﺎﻱ ﻛﻮﻧﺴﯘﻟﺨﺎﻧﯩﺴﻰ ﺋﯩﭽﯩﺪﻩ ﺗﯘﺭﯨﯟﺍﺗﻘﺎﻥ ﺑﯩﺮ ﻗﺎﻧﭽﻪ ﺧﯩﺘﺎﻱ ﻧﺎﻣﺎﻳﯩﺸﭽﯩﻼﺭﻧﻰ ﺋﺎﺭﻗﺎ ‏- ﺋﺎﺭﻗﯩﺪﯨﻦ ﺭﻩﺳﯩﻤﮕﻪ ﺗﺎﺭﺗﺘﻰ.

ﻛﻮﻧﺴﯘﻟﺨﺎﻧﺎ ﺋﺎﻟﺪﯨﻐﺎ 50 ﮔﻪ ﻳﯧﻘﯩﻦ ﺗﯜﺭﻛﯩﻴﻪ ﺳﺎﻗﭽﯩﻠﯩﺮﯨﻤﯘ ﻛﻪﻟﮕﻪﻥ ﺑﻮﻟﯘﭖ، ﺳﺎﻗﭽﯩﻼﺭ ﻧﺎﻣﺎﻳﯩﺸﭽﯩﻼﺭﻧﯩﯔ ﺧﯩﺘﺎﻱ ﻛﻮﻧﺴﯘﻟﺨﺎﻧﺎ ﺩﻩﺭﯞﺍﺯﯨﺴﻰ ﺋﺎﻟﺪﯨﻐﺎ ﻳﯧﻘﯩﻨﻠﯩﺸﯩﺸﯩﻨﻰ ﺗﻮﺳﺘﻰ. ﻧﺎﻣﺎﻳﯩﺸﭽﯩﻼﺭ ﺧﯩﺘﺎﻱ ﻛﻮﻧﺴﯘﻟﺨﺎﻧﺎ ﺩﻩﺭﯞﺍﺯﯨﺪﯨﻦ ﻛﯩﺮﯨﺸﻜﻪ ﺋﯘﺭﯗﻧﻐﺎﻥ ﺑﻮﻟﺴﯩﻤﯘ ﺳﺎﻗﭽﯩﻼﺭﻧﯩﯔ ﺗﻮﺳﻘﯘﻧﻠﯩﻘﯩﻐﺎ ﺋﯘﭼﺮﯨﺪﻯ.

ﻧﺎﻣﺎﻳﯩﺸﭽﯩﻼﺭ ﺑﯩﺮﺩﻩﻙ "ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﺋﻪﺭﻛﯩﻨﻠﯩﻚ"، " ﺗﯧﺮﺭﻭﺭﭼﻰ ﻗﯩﺰﯨﻞ ﺧﯩﺘﺎﻱ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻦ ﭼﯩﻘﯩﭗ ﻛﻪﺕ"، " ﺋﯩﻨﺴﺎﻧﺪﻩﻙ ﻳﺎﺷﺎﺵ ﺑﯩﺰﻧﯩﯖﻤﯘ ﻫﻪﻗﻘﯩﻤﯩﺰ" ﺷﯩﻨﺠﺎﯓ ﺋﻪﻣﻪﺱ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ " "ﻣﻪﺯﻟﯘﻣﻼﺭ ﺑﯘ ﻳﻪﺭﺩﻩ ﺋﯩﻨﺴﺎﻥ ﻫﻪﻗﻠﯩﺮﻯ ﻗﻪﻳﻪﺭﺩﻩ"، "ﻫﻪﻕ ‏- ﻫﻮﻗﯘﻕ ﺋﺎﺩﺍﻟﻪﺕ، ﺗﯜﺭﻛﯩﺴﺘﺎﻧﻐﺎ ﻫﯚﺭﯨﻴﻪﺕ "، " ﺋﻪﺭﻛﯩﻨﻠﯩﻚ ﻫﻪﻗﻘﯩﻤﯩﺰ، ﺯﯗﻟﯘﻣﻐﺎ ﻗﺎﺭﺷﻰ ﺑﯘ ﻳﻪﺭﺩﻩ ﺑﯩﺰ" ﺩﯦﮕﻪﻧﮕﻪ ﺋﻮﺧﺸﺎﺵ ﺷﯘﺋﺎﺭﻻﺭﻧﻰ ﺗﻮﯞﻻﺷﺘﻰ.

ﻧﺎﻣﺎﻳﯩﺸﭽﯩﻼﺭ ﺧﯩﺘﺎﻱ ﻛﻮﻧﺴﯘﻟﺨﺎﻧﯩﺴﯩﻨﯩﯔ ﺩﻩﺭﯞﺍﺯﯨﺴﻰ ﺋﺎﻟﺪﯨﻐﺎ ﻗﺎﺭﺍ ﭼﻪﻣﺒﯩﺮﻩﻙ ﻗﻮﻳﺪﻯ. ﺗﯜﺭﻛﯩﻴﯩﺪﻩ ﻗﺎﺭﺍ ﭼﻪﻣﺒﯩﺮﻩﻙ ﺋﯩﻨﺴﺎﻧﯩﻴﻪﺗﻜﻪ ﻗﺎﺭﺷﻰ ﺟﯩﻨﺎﻳﻪﺕ ﺋﯚﺗﻜﯜﺯﮔﻪﻧﻠﻪﺭﻧﻰ ﺋﻪﻳﯩﺒﻠﻪﺵ ﺋﯜﭼﯜﻥ ﻗﻮﻳﯘﻟﯩﺪﯗ. ﻗﺎﺭﺍ ﭼﻪﻣﺒﯩﺮﻩﻙ ﺋﯜﺳﺘﯩﮕﻪ "ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺋﯩﻨﺴﺎﻥ ﻫﻪﻗﻠﯩﺮﯨﻨﯩﯔ ﺩﻩﭘﺴﻪﻧﺪﯨﭽﯩﻠﯩﻜﯩﮕﻪ ﺧﺎﺗﯩﻤﻪ ﺑﯧﺮﯨﻠﺴﯘﻥ " ﺩﯦﮕﻪﻥ ﺧﻪﺗﻠﻪﺭ ﻳﯧﺰﯨﻠﻐﺎﻥ.

ﻧﺎﻣﺎﻳﯩﺸﻘﺎ ﻳﻪﻧﻪ ﺋﺎﺧﺒﺎﺭﺍﺗﭽﯩﻼﺭ، ﺭﺍﺩﯨﺌﻮ - ﺗﯧﻠﯧﯟﯨﺰﯨﻴﻪ ﯞﻩ ﮔﯧﺰﯨﺖ ﻣﯘﺧﺒﯩﺮﻟﯩﺮﯨﻤﯘ ﺋﯩﺸﺘﯩﺮﺍﻙ ﻗﯩﻠﺪﻯ. ﺧﯩﺘﺎﻱ ﻛﻮﻧﺴﯘﻟﺨﺎﻧﯩﺴﯩﻨﯩﯔ ﺋﺎﻟﺪﯨﺪﺍ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﻰ ﺋﯚﺗﻜﯜﺯﯛﻟﺪﻯ. ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﺪﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻳﺎﺷﻼﺭ ﺗﻪﺷﻜﯩﻼﺗﯩﻨﯩﯔ ﺑﺎﺵ ﻛﺎﺗﯩﭙﻰ ﺟﺎﻻﻝ راھمانئوغلۇ ﺋﻪﭘﻪﻧﺪﻯ ﺳﯚﺯ ﻗﯩﻠﯩﭗ ﻣﯘﻧﺪﺍﻕ ﺩﯦﺪﻯ:

ﺑﯜﮔﯜﻥ ﺩﯗﻧﻴﺎ ﺋﯩﻨﺴﺎﻥ ﻫﻪﻗﻠﯩﺮﻯ ﻛﯜﻧﯩﻨﯩﯔ 60 ‏- ﻳﯩﻠﯩﻨﻰ ﺗﻪﺑﺮﯨﻜﻠﻪﻳﻤﯩﺰ، ﺑﯩﺰ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻠﯩﻘﻼﺭ ﺩﯗﻧﻴﺎﺩﺍ ﺋﯩﻨﺴﺎﻧﻼﺭ ﺋﺎﺭﯨﺴﯩﺪﺍ ﺗﻪﯕﻠﯩﻚ، ﻗﯧﺮﯨﻨﺪﺍﺷﻠﯩﻖ ﯞﻩ ﺗﯩﻨﭽﻠﯩﻘﯩﻨﯩﯔ ﺋﻮﻣﯘﻣﻠﯩﺸﯩﺸﯩﻨﻰ ﺧﺎﻻﻳﻤﯩﺰ. ﺑﯩﺰ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻠﯩﻘﻼﺭ ﺑﯧﺴﯩﻢ ﯞﻩ ﺯﯗﻟﯘﻡ ﺋﺎﺳﺘﯩﺪﺍ ﻳﺎﺷﺎﯞﺍﺗﻘﺎﻥ، ﺋﺎﺳﺎﺭﻩﺕ ﺋﺎﺳﺘﯩﺪﺍ ﻗﺎﻟﻐﺎﻥ ﻣﯩﻠﻠﻪﺗﻠﻪﺭﻧﯩﯔ ﺋﯚﺯﯨﻨﯩﯔ ﺗﻪﻗﺪﯨﺮﯨﻨﻰ ﺋﯚﺯﻯ ﺑﻪﻟﮕﯩﻠﻪﺷﻨﻰ ﯞﻩ ﺋﺎﺯﺍﺗﻠﯩﻘﯩﻨﻰ، ﺋﻪﺭﻛﯩﻨﻠﯩﻜﯩﻨﻰ ﺧﺎﻻﻳﻤﯩﺰ.

ﺟﺎﻻﻝ راھمانئوغلۇ ﺋﻪﭘﻪﻧﺪﻯ ﺳﯚﺯﯨﺪﻩ ﺧﯩﺘﺎﻱ ﺩﺍﺋﯩﺮﻟﯩﺮﯨﻨﻰ ﺋﯩﻨﺴﺎﻥ ﻫﻪﻗﻠﯩﺮﯨﻨﻰ ﺩﻩﭘﺴﻪﻧﺪﻩ ﻗﯩﻠﻐﺎﻧﻠﯩﻖ ﺑﯩﻠﻪﻥ ﺋﻪﻳﯩﺒﻠﻪﭖ ﻳﻪﻧﻪ ﻣﯘﻧﺪﺍﻕ ﺩﯦﺪﻯ: "ﺑﯜﮔﯜﻧﻜﻰ ﺧﯩﺘﺎﻱ ﺧﻪﻟﻖ ﻫﺎﻛﯩﻤﯩﻴﯩﺘﻰ ﺩﯗﻧﻴﺎﺩﺍ ﺋﻪﯓ ﻛﯚﭖ ﺋﯩﻨﺴﺎﻥ ﻫﻪﻗﻠﯩﺮﯨﻨﻰ ﺩﻩﭘﺴﻪﻧﺪﻩ ﻗﯩﻠﻐﺎﻥ ﺩﯙﻟﻪﺗﺘﯘﺭ. ﺧﯩﺘﺎﻱ ﯞﻩ ﺑﯧﻴﺠﯩﯔ ﺩﯦﮕﻪﻥ ﻫﺎﻣﺎﻥ ﺋﯩﻨﺴﺎﻧﻨﯩﯔ ﺋﻪﻗﻠﯩﮕﻪ، ﺯﯗﻟﯘﻡ، ﺋﯩﺴﻜﻪﻧﺠﻪ، ﺋﯚﻟﯜﻣﮕﻪ ﻣﻪﻫﻜﯘﻡ، ﺋﯩﺮﻗﭽﯩﻠﯩﻖ، ﺋﺎﺗﻮﻡ - ﻳﺎﺩﺭﻭ ﺳﯩﻨﺎﻗﻠﯩﺮﻯ، ﺋﯩﺮﻗﯩﻲ ﻳﻮﻗﯩﺘﯩﺶ، ﺑﯩﮕﯘﻧﺎﻫ ﺋﯚﻟﯜﯞﺍﺗﻘﺎﻥ ﻧﻪﭼﭽﻪ ﻣﯩﯖﻠﯩﻐﺎﻥ ﺑﻮﯞﺍﻗﻼﺭ ﻛﯧﻠﯩﺪﯗ."

ﺟﺎﻻﻝ راھمانئوغلۇ ﻳﻪﻧﻪ ﻣﯘﻧﺪﺍﻕ ﺩﯦﺪﻯ: "ﺑﯩﺰﻧﯩﯔ ﺋﯚﺯ ﯞﻩﺗﯩﻨﯩﻤﯩﺰﺩﻩ ﺋﺎﻧﺎ ﺗﯩﻠﯩﻤﯩﺰ ﭼﻪﻛﻠﻪﻧﺪﻯ. ﺧﯩﺘﺎﻱ ﺗﯩﻠﻰ ﻣﻪﺟﺒﯘﺭﻯ ﺋﯚﮔﯜﺗﯜﻟﻤﻪﻛﺘﻪ. ﻣﻪﺩﻩﻧﯩﻴﯩﺘﯩﻤﯩﺰﻧﻰ ﺧﯩﺘﺎﻳﻼﺷﺘﯘﺭﯗﺵ ﺳﯩﻴﺎﺳﯩﺘﻰ ﺋﯩﻨﺴﺎﭘﺴﯩﺰﻻﭼﻪ ﺩﺍﯞﺍﻡ ﻗﯩﻠﯩﯟﺍﺗﯩﺪﯗ. ﺑﯩﺰ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺋﯩﻨﺴﺎﻧﺪﻩﻙ ﻳﺎﺷﺎﺷﻨﻰ ﺧﺎﻻﻳﻤﯩﺰ. ﺧﯩﺘﺎﻳﻨﯩﯔ ﺋﯩﺮﻗﭽﯩﻠﯩﻖ، ﻣﯩﻠﻠﻪﺗﭽﯩﻠﯩﻚ ﯞﻩ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﯩﺪﯨﻦ ﻧﻪﭘﺮﻩﺗﻠﯩﻨﯩﻤﯩﺰ. ﺑﯩﺰ ﺋﺎﺭﺯﯗ ﺋﯩﺴﺘﻪﻛﻠﯩﺮﯨﻤﯩﺰﻧﻰ ﺗﯩﻨﭽﻠﯩﻖ ﻳﻮﻟﻠﯩﺮﻯ ﺑﯩﻠﻪﻥ ﻳﯩﻐﯩﻦ ﯞﻩ ﻧﺎﻣﺎﻳﯩﺸﻼﺭ ﺋﯘﻳﯘﺷﺘﯘﺭﯗﺵ ﺋﺎﺭﻗﯩﻠﯩﻖ ﻧﺎﺭﺍﺯﯨﻠﯩﻘﯩﻤﯩﺰﻧﻰ ﺋﯩﭙﺎﺩﯨﻠﻪﺷﻜﻪ ﺗﯩﺮﯨﺸﺴﺎﻕ، ﻫﻪﻗﺴﯩﺰﻟﯩﻖ ﺑﯩﻠﻪﻥ ﺑﯩﮕﯘﻧﺎ ﺗﯘﺗﻘﯘﻥ ﻗﯩﻠﯩﻨﯩﯟﺍﺗﯩﻤﯩﺰ. ﺗﯜﺭﻣﯩﻠﻪﺭﮔﻪ ﻗﺎﻣﯩﻠﯩﯟﺍﺗﯩﻤﯩﺰ. ﺳﻮﺕ ﺋﯧﭽﯩﻠﻤﺎﺳﺘﯩﻦ ﺟﯩﻨﺎﻳﻪﺕ ﺋﺎﺭﺗﯩﻠﯩﭗ ﺗﯜﺭﻣﯩﻠﻪﺭﺩﻩ ﻳﯧﺘﯩﯟﺍﺗﯩﻤﯩﺰ. ﺗﯜﺭﻣﯩﻠﻪﺭﺩﻩ ﻫﻪﺭ ﺗﯜﺭﻟﯜﻙ ﻗﯩﻴﯩﻦ - ﻗﯩﺴﺘﺎﻕ ﯞﻩ ﺋﯩﺸﻜﻪﻧﺠﯩﻠﻪﺭﮔﻪ ﺩﯛﭺ ﻛﯧﻠﯩﯟﺍﺗﯩﻤﯩﺰ. ﺑﯩﮕﯘﻧﺎﻫ ﻳﯜﺯﻟﯩﮕﻪﻥ ﻳﺎﺷﻠﯩﺮﯨﻤﯩﺰ ﻫﻪﻗﺴﯩﺰ ﻫﺎﻟﺪﺍ ﺋﯚﻟﯜﻣﮕﻪ ﻣﻪﻫﻜﯜﻡ ﺑﻮﻟﯩﯟﺍﺗﯩﺪﯗ."

ﺟﺎﻻﻝ راھمانئوغلۇ ﺋﻪﭘﻪﻧﺪﻯ ﺩﯗﻧﻴﺎ ﺋﯩﻨﺴﺎﻥ ﻫﻪﻗﻠﯩﺮﯨﻨﻰ ﻗﻮﻏﺪﺍﺵ ﺟﻪﻣﺌﯩﻴﻪﺗﻠﯩﺮﯨﮕﻪ ﺧﯩﺘﺎﭖ ﻗﯩﻠﯩﭗ ﻳﻪﻧﻪ ﻣﯘﻧﺪﺍﻕ ﺩﯦﺪﻯ: "ﺋﻪﺭﻛﯩﻦ ﺩﯗﻧﻴﺎﻏﺎ ﺷﯘﻧﻰ ﺧﯩﺘﺎﭖ ﻗﯩﻠﯩﻤﯩﺰﻛﻰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻠﯩﻘﻼﺭﻧﯩﯔ ﺋﯩﻨﺴﺎﻧﺪﻩﻙ ﻳﺎﺷﺎﺵ ﻫﻪﻗﻘﯩﻨﻰ، ﺋﯚﺯﯨﮕﻪ ﺋﯚﺯﻯ ﺧﻮﺟﺎ ﺑﻮﻟﯘﺵ ﻫﻪﻗﻘﯩﻨﻰ ﺋﯧﺘﯩﺮﺍﭖ ﻗﯩﻠﯩﺸﯩﻨﻰ ﺗﻪﻟﻪﭖ ﻗﯩﻠﯩﻤﯩﺰ. ﺧﯩﺘﺎﻱ ﻫﺎﻛﯩﻤﯩﻴﯩﺘﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﺋﯩﺸﻐﺎﻟﯩﻐﺎ ﺧﺎﺗﯩﻤﻪ ﺑﻪﺭﺳﯘﻥ. ﺋﯩﻨﺴﺎﻥ ﻫﻪﻗﻠﯩﺮﻯ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻠﯩﻖ ﺋﯩﻨﺴﺎﻧﻼﺭﻧﯩﯖﻤﯘ ﻫﻪﻗﻘﯩﺪﯗﺭ."

ﺑﯩﺰ ﻧﺎﻣﺎﻳﯩﺶ ﺋﺎﺧﯩﺮﻻﺷﻘﺎﻧﺪﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﺎﺋﺎﺭﯨﭗ ﯞﻩ ﻫﻪﻣﻜﺎﺭﻟﯩﻖ ﺟﻪﻣﺌﯩﻴﯩﺘﯩﻨﯩﯔ ﻣﯘﺋﺎﯞﯨﻦ ﺑﺎﺷﻠﯩﻘﻰ ﻫﯩﺪﺍﻳﻪﺗﯘﻟﻼ ﺋﻪﭘﻪﻧﺪﻯ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ.