ﺗﯜﺭﻛﯩﻴﻪ ﺟﯘﻣﻬﯘﺭ ﺭﻩﺋﯩﺴﻰ ﺋﺎﺑﺪﯗﻟﻼﻫ ﮔﯜﻟﻨﯩﯔ ﺧﯩﺘﺎﻱ ﺯﯨﻴﺎﺭﯨﺘﻰ ﺭﻩﺳﻤﯩﻲ ﺑﺎﺷﻼﻧﺪﻯ

ﺋﺎﺑﺪﯗﻟﻼﻫ ﮔﯜﻟﻨﻰ ﺑﯧﻴﺠﯩﯔ ﺋﺎﻳﺮﻭﭘﯩﻼﻥ ﺋﯩﺴﺘﺎﻧﺴﯩﺴﯩﺪﺍ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻣﯘﺋﺎﯞﯨﻨﻰ ﺟﺎﻱ ﺟﯜﻥ، ﺧﯩﺘﺎﻳﻨﯩﯔ ﺋﻪﻧﻘﻪﺭﻩﺩﻩ ﺗﯘﺭﯗﺷﻠﯘﻕ ﺋﻪﻟﭽﯩﺴﻰ ﮔﻮﯓ ﺷﻴﺎﯞ ﺷﯧﯔ ﯞﻩ ﺗﯜﺭﻛﯩﻴﯩﻨﯩﯔ ﺑﯧﻴﺠﯩﯖﺪﺍ ﺗﯘﺭﯗﺷﻠﯘﻕ ﺋﻪﻟﭽﯩﺴﻰ ﻣﯘﺭﺍﺕ ﺋﻪﺳﻪﻥ ﻗﺎﺗﺎﺭﻟﯩﻖ ﻛﯩﺸﯩﻠﻪﺭ ﻛﯜﺗﯜﯞﺍﻟﻐﺎﻥ.

ﺋﺎﺑﺪﯗﻟﻼﻫ ﮔﯜﻝ 6 - ﺋﺎﻳﻨﯩﯔ 24 - ﻛﯜﻧﯩﺪﯨﻦ 29 - ﻛﯜﻧﯩﮕﯩﭽﻪ ﺧﯩﺘﺎﻳﺪﺍ ﺯﯨﻴﺎﺭﻩﺕ ﺋﯧﻠﯩﭗ ﺑﺎﺭﯨﺪﯨﻐﺎﻥ ﺑﻮﻟﯘﭖ، ﺑﯧﻴﺠﯩﯔ، ﺋﯜﺭﯛﻣﭽﻰ، ﺷﯩﺌﻪﻥ ﯞﻩ ﺷﯧﻨﺠﯧﻦ ﻗﺎﺗﺎﺭﻟﯩﻖ ﺟﺎﻳﻼﺭﻏﺎ ﺑﺎﺭﯨﺪﯨﻜﻪﻥ. ﺋﺎﺑﺪﯗﻟﻼﻫ ﮔﯜﻟﻨﯩﯔ ﺋﯜﺭﯛﻣﭽﻰ ﺯﯨﻴﺎﺭﯨﺘﻰ ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﻰ ﺗﺎﺭﯨﺨﯩﺪﺍ ﺗﯘﻧﺠﻰ ﻗﯧﺘﯩﻢ ﺑﯩﺮ ﺩﯙﻟﻪﺕ ﺭﻩﺋﯩﺴﯩﻨﯩﯔ ﺋﯘﻳﻐﯘﺭ ﺩﯨﻴﺎﺭﯨﻐﺎ ﺋﯧﻠﯩﭗ ﺑﺎﺭﻏﺎﻥ ﺯﯨﻴﺎﺭﯨﺘﻰ ﻫﯧﺴﺎﺑﻠﯩﻨﯩﺪﯨﻜﻪﻥ.

ﺋﺎﺑﺪﯗﻟﻼﻫ ﮔﯜﻝ ﺑﯩﻠﻪﻥ ﺑﯩﺮﻟﯩﻜﺘﻪ ﺗﯜﺭﻛﯩﻴﻪ ﺋﯩﭽﻜﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﺑﯧﺸﯩﺮ ﺋﺎﺗﺎﻻﻱ، ﺳﻮﺩﺍ - ﺳﺎﻧﺎﺋﻪﺗﻜﻪ ﻣﻪﺳﺌﯘﻝ ﺩﯙﻟﻪﺕ ﻣﯩﻨﯩﺴﺘﯩﺮﻯ ﺯﺍﻓﻪﺭ ﭼﺎﻏﻼﻳﺎﻥ، ﻗﻪﻳﺴﻪﺭﻯ ﯞﺍﻟﯩﺴﻰ ﻣﻪﯞﻟﯜﺕ ﺑﯩﻠﯩﺠﻰ، ﻛﯚﭖ ﺳﺎﻧﺪﺍ ﭘﺎﺭﻻﻣﯧﻨﺖ ﺋﻪﺯﺍﻟﯩﺮﻯ، ﺋﺎﻟﯩﻲ ﺭﻩﻫﺒﻪﺭﻟﻪﺭ ﯞﻩ ﻛﺎﺭﯨﺨﺎﻧﯩﭽﯩﻼﺭﻣﯘ ﺧﯩﺘﺎﻳﻐﺎ ﺯﯨﻴﺎﺭﻩﺕ ﺋﯧﻠﯩﭗ ﺑﺎﺭﻣﺎﻗﺘﺎ.

1995 - ﻳﯩﻠﻰ ﺗﯜﺭﻛﯩﻴﯩﻨﯩﯔ ﺳﺎﺑﯩﻖ ﺭﻩﺋﯩﺲ ﺟﯘﻣﻬﯘﺭﻯ ﺳﯘﻻﻳﻤﺎﻥ ﺩﯦﻤﯩﺮﻩﻝ ﺧﯩﺘﺎﻳﻐﺎ ﺭﻩﺳﻤﻰ ﺯﯨﻴﺎﺭﻩﺕ ﺋﯧﻠﯩﭗ ﺑﺎﺭﻏﺎﻧﺪﯨﻦ ﺑﯧﺮﻯ، ﺩﯙﻟﻪﺕ ﺑﺎﺷﻠﯩﻘﻰ ﺳﻪﯞﯨﻴﯩﺴﯩﺪﻩ ﺑﯩﺮ ﺯﯨﻴﺎﺭﻩﺕ ﺑﯜﮔﯜﻧﮕﯩﭽﻪ ﺋﯧﻠﯩﭗ ﺑﯧﺮﯨﻠﻤﯩﻐﺎﻥ ﺋﯩﻜﻪﻥ. ﺷﯘﯕﺎ ﺑﯘ ﻗﯧﺘﯩﻤﻘﻰ ﺑﯘ ﺯﯨﻴﺎﺭﻩﺕ ﺳﯩﻴﺎﺳﯩﻲ ﻛﯚﺯﻩﺗﻜﯜﭼﯩﻠﻪﺭﻧﯩﯔ ﺗﯜﺭﻙ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﻧﺎﻫﺎﻳﯩﺘﻰ ﺩﯨﻘﻘﻪﺕ ﺋﯧﺘﯩﺒﺎﺭﯨﻨﻰ ﻗﻮﺯﻏﯩﻤﺎﻗﺘﺎ. ﺑﻮﻟﯘﭘﻤﯘ ﺑﯘ ﻗﯧﺘﯩﻢ ﺋﺎﺑﺪﯗﻟﻼﻫ ﮔﯜﻟﻨﯩﯔ ﺋﯜﺭﯛﻣﭽﯩﮕﻪ ﺯﯨﻴﺎﺭﻩﺕ ﺋﯧﻠﯩﭗ ﺑﯧﺮﯨﺸﻰ ﺗﯜﺭﻛﯩﻴﯩﺪﯨﻜﻰ ﺋﯘﻳﻐﯘﺭﻻﺭﻧﯩﯖﻤﯘ ﻗﺎﺗﺘﯩﻖ ﺩﯨﻘﻘﯩﺘﯩﻨﻰ ﻗﻮﺯﻏﯩﻤﺎﻗﺘﺎ.

ﺗﯜﺭﻙ ﻣﻪﺗﺒﯘﺋﺎﺗﻠﯩﺮﯨﺪﯨﻜﻰ ﺧﻪﯞﻩﺭﻟﻪﺭﺩﻩ ﺑﻪﺯﻯ ﻣﯘﺗﻪﺧﻪﺳﺴﯩﺴﻠﻪﺭ ﺋﺎﺑﺪﯗﻟﻼﻫ ﮔﯜﻟﻨﯩﯔ ﺑﯘ ﻗﯧﺘﯩﻤﻘﻰ ﺯﯨﻴﺎﺭﯨﺘﻰ ﺟﻪﺭﻳﺎﻧﯩﺪﺍ ﭼﻮﻗﯘﻡ ﺋﯘﻳﻐﯘﺭ ﻣﻪﺳﯩﻠﯩﺴﯩﻨﻰ ﻛﯜﻧﺘﻪﺭﺗﯩﭙﻜﻪ ﺋﯧﻠﯩﭗ ﻛﯧﻠﯩﺸﻰ ﻛﯧﺮﻩﻛﻠﯩﻜﯩﻨﻰ، ﺑﻮﻟﯘﭘﻤﯘ ﺗﯘﻧﺠﻰ ﺗﯜﺭﻙ ﺋﯩﺴﻼﻡ ﺩﯙﻟﯩﺘﻰ ﻗﯘﺭﯗﻟﻐﺎﻥ ﺗﺎﺭﯨﺨﻰ ﺷﻪﻫﻪﺭ ﻗﻪﺷﻘﻪﺭﻧﻰ ﺧﯩﺘﺎﻳﻼﻧﯩﯔ ﭼﺎﻗﻤﺎﺳﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯩﺸﻰ ﻛﯧﺮﻩﻛﻠﯩﻜﯩﻨﻰ ﺗﻪﻛﯩﺘﻠﯩﻤﻪﻛﺘﻪ.

ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﯩﻨﯩﯔ ﺭﻩﺋﯩﺲ ﺟﯘﻣﻬﯘﺭﻯ ﺋﺎﺑﺪﯗﻟﻼﻫ ﮔﯜﻝ 6 - ﺋﺎﻳﻨﯩﯔ 24 - ﻛﯜﻧﻰ ﺑﯧﻴﺠﯩﯖﺪﯨﻜﻰ ﺯﯨﻴﺎﺭﯨﺘﻰ ﺋﺎﺧﯩﺮﻻﺷﻘﺎﻧﺪﯨﻦ ﻛﯧﻴﯩﻦ، 6 - ﺋﺎﻳﻨﯩﯔ 25 - ﻛﯜﻧﻰ ﺋﯜﺭﯛﻣﭽﯩﮕﻪ ﺑﺎﺭﯨﺪﯨﻜﻪﻥ. ﻛﯧﻴﯩﻦ ﺷﯩﺌﻪﻥ ﯞﻩ ﺷﯧﻨﺠﯧﻨﻨﻰ ﺯﯨﻴﺎﺭﻩﺕ ﻗﯩﻠﻐﺎﻧﺪﯨﻦ ﻛﯧﻴﯩﻦ 6 - ﺋﺎﻳﻨﯩﯔ 29 - ﻛﯜﻧﻰ ﺗﯜﺭﻛﯩﻴﯩﮕﻪ ﻗﺎﻳﺘﯩﺪﯨﻜﻪﻥ.