ﺋﻮﺑﺎﻣﺎ ﺋﯩﺴﻼﻡ ﺩﯗﻧﻴﺎﺳﯩﻐﺎ ﻗﺎﺭﯨﺘﺎ ﺋﻪﻫﻤﯩﻴﻪﺗﻠﯩﻚ ﻧﯘﺗﯘﻕ ﺳﯚﺯﻟﯩﺪﻯ

ﺋﻮﻣﺎﺑﺎﻧﯩﯔ ﻧﯘﺗﻘﻰ ﻣﯩﺴﯩﺮ، ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﻰ، ﻗﺎﺗﺎﺭ ﯞﻩ ﺑﺎﺭﭼﻪ ﺋﻪﺭﻩﺏ ﺩﯙﻟﻪﺗﻠﯩﺮﯨﻨﯩﯔ ﺗﯧﻠﯧﯟﯦﺰﻭﺭ ﻗﺎﻧﺎﻟﻠﯩﺮﯨﺪﺍ ﻧﻪﻕ ﻣﻪﻳﺪﺍﻧﺪﺍ ﺑﯧﺮﯨﻠﺪﻯ.
 

ﺋﻮﺑﺎﻣﺎ ﻧﯘﺗﻘﯩﻨﯩﯔ ﻣﻪﺯﻣﯘﻧﻰ

ﺋﻮﺑﺎﻣﺎ ﺋﯩﺴﻼﻡ ﺩﯗﻧﻴﺎﺳﯩﻐﺎ ﻗﺎﺭﺍﺗﻘﺎﻥ ﻧﯘﺗﯘﻗﯩﻨﻰ ﻳﻪﺗﺘﻪ ﭼﻮﯓ ﻣﻪﺳﯩﻠﯩﮕﻪ ﺋﯩﺨﭽﺎﻣﻠﯩﻐﺎﻥ ﺑﻮﻟﯘﭖ، ﺋﯘﻻﺭ: ﺗﯧﺮﺭﻭﺭﭼﯩﻠﯩﻘﻘﺎ ﻗﺎﺭﺷﻰ ﺗﯘﺭﯗﭖ، ﺗﯩﻨﭽﻠﯩﻘﻨﻰ ﻗﻮﻏﺪﺍﺵ، ﭘﻪﻟﻪﺳﺘﯩﻨﺪﻩ، ﺋﯩﺴﺮﺍﺋﯩﻠﯩﻴﻪ - ﭘﻪﻟﻪﺳﺘﯩﻨﺪﯨﻦ ﺋﯩﺒﺎﺭﻩﺕ ﺋﯩﻜﻜﻰ ﺩﯙﻟﻪﺗﻨﯩﯔ ﻗﻪﺩ ﻛﯚﺭﯛﺭﯛﭖ ﺗﯘﺭﯗﺷﯩﻨﻰ ﺋﻪﻣﻪﻟﮕﻪ ﺋﺎﺷﯘﺭﯗﺵ، ﺋﯩﺮﺍﻧﻨﯩﯔ ﻳﺎﺩﺭﻭ ﺋﯧﻨﯧﺮﮔﯩﻴﻪ ﭘﺮﻭﮔﺮﺍﻣﻤﯩﺴﯩﻨﯩﯔ ﺧﻪﺗﯩﺮﯨﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ، ﺩﯨﻦ ﺗﺎﻟﻼﺵ ﯞﻩ ﺩﯨﻨﯩﻲ ﭘﺎﺋﺎﻟﯩﻴﻪﺗﻠﻪﺭ ﺑﯩﻠﻪﻥ ﺷﻮﻏﯘﻟﻠﯩﻨﯩﺶ ﺋﻪﺭﻛﯩﻨﻠﯩﻜﯩﻨﻰ ﻗﺎﻧﺎﺕ ﻳﺎﻳﺪﯗﺭﯗﺵ، ﺩﯨﻨﯩﻲ ﺋﯚﺯﮔﯩﭽﯩﻠﯩﻜﻠﻪﺭﮔﻪ ﭼﻪﻙ ﻗﻮﻳﻤﺎﺳﻠﯩﻖ، ﺩﯦﻤﻮﻛﺮﺍﺗﯩﻴﯩﻨﻰ ﺩﯗﻧﻴﺎﻧﯩﯔ ﻫﻪﻣﻤﯩﻼ ﺟﺎﻳﻠﯩﺮﯨﺪﺍ ﺋﻪﻣﻪﻟﮕﻪ ﺋﺎﺷﯘﺭﯗﭖ، ﺧﻪﻟﻘﻨﯩﯔ ﺋﻪﺭﻛﯩﻦ ﻳﺎﺷﺎﺵ ﻫﯚﺭﯨﻴﯩﺘﯩﻨﻰ ﻗﻮﻏﺪﺍﺵ، ﺋﺎﻳﺎﻟﻼﺭﻧﯩﯔ ﻫﻮﻗﯘﻗﯩﻨﻰ ﻗﻮﻏﺪﺍﺵ، ﺋﯘﻻﺭﻧﯩﯔ ﺩﯨﻨﯩﻲ ﻗﯩﻴﺎﭘﻪﺗﻠﯩﺮﯨﮕﻪ ﯞﻩ ﺑﯩﻠﯩﻢ ﺋﯧﻠﯩﺶ ﺋﻪﺭﻛﯩﻨﻠﯩﻜﯩﮕﻪ ﭼﻪﻙ ﻗﻮﻳﻤﺎﺳﻠﯩﻖ، ﺋﯩﻘﺘﯩﺴﺎﺩﻧﻰ ﺟﺎﻧﻼﻧﺪﯗﺭﯗﭖ، ﺑﺎﺭ ﺋﯩﻤﻜﺎﻧﯩﻴﻪﺗﻠﻪﺭﺩﯨﻦ ﭘﺎﻳﺪﯨﻠﯩﻨﯩﺶ ﻫﻪﻣﺪﻩ ﺩﯙﻟﻪﺗﻠﻪﺭ ﺋﺎﺭﺍ ﻫﻪﻣﻜﺎﺭﻟﯩﻘﻨﻰ ﺟﺎﻧﻼﻧﺪﯗﺭﯗﺵ ﻗﺎﺗﺎﺭﻟﯩﻖ ﻣﺎﯞﺯﯗﻻﺭﺩﺍ ﺗﻪﭘﺴﯩﻠﯩﻲ ﺳﯚﺯﻟﻪﻧﺪﻯ.
 

ﺋﺎﻣﯧﺮﯨﻜﺎ ﺋﯩﺴﻼﻣﻐﺎ ﻗﺎﺭﺷﻰ ﺋﻪﻣﻪﺱ

ﺋﻮﺑﺎﻣﺎ ﻣﯘﻧﺪﺍﻕ ﺩﯦﺪﻯ:" ﺋﯩﻠﮕﯩﺮﻯ ﺋﺎﻣﯧﺮﯨﻜﺎ ﻛﻮﻧﮕﺮﯨﺴﯩﺪﻩ ﺑﯩﺮ ﻣﯘﺳﯘﻟﻤﺎﻥ ﺋﻪﺯﺍ ﺑﻮﻟﻐﺎﻥ ﺑﻮﻟﯘﭖ، ﺋﯘ ﻛﯩﺸﻰ ﻳﯧﻨﯩﺪﺍ ﻗﯘﺭﺋﺎﻥ ﻛﻪﺭﯨﻤﻨﯩﯔ ﺑﯩﺮ ﻧﯘﺳﺨﯩﺴﯩﻨﻰ ﺳﺎﻗﻠﯩﻐﺎﻥ ﺋﯩﻜﻪﻥ. ﻗﯘﺭﺋﺎﻥ ﻛﻪﺭﯨﻤﻨﯩﯔ ﺑﯘ ﻧﯘﺳﺨﯩﺴﻰ ﻫﺎﺯﯨﺮﻣﯘ ﺋﯘ ﻛﯩﺸﯩﻨﯩﯔ ﻛﯩﺘﺎﺑﺨﺎﻧﯩﺴﯩﺪﺍ ﺳﺎﻗﯩﻠﯩﭗ ﻛﻪﻟﻤﻪﻛﺘﻪ. ﻣﻪﻥ ﺋﯩﺴﻼﻡ ﺩﯨﻨﯩﻨﻰ ﺋﯩﺴﻼﻡ ﯞﻩﻫﯩﻴﯩﺴﻰ ﭼﯜﺷﻜﻪﻥ ﺟﺎﻳﻐﺎ ﻛﯧﻠﯩﺸﺘﯩﻦ ﺑﯘﺭﯗﻥ ﺋﯜﭺ ﻗﯩﺘﺌﻪﺩﻩ ﻳﺎﺧﺸﻰ ﺗﻮﻧﯘﻏﺎﻥ ﺋﯩﺪﯨﻢ. ﻣﻪﻧﺪﯨﻜﻰ ﺑﯘ ﻣﻪﻟﯘﻣﺎﺕ ﺋﺎﻣﯧﺮﯨﻜﯩﻨﯩﯔ ﺋﯩﺴﻼﻡ ﺩﯨﻨﯩﻨﯩﯔ ﻫﻪﻗﯩﻘﯩﺘﻰ ﺑﯩﻠﻪﻥ ﺗﺎﻣﺎﻣﻪﻥ ﻣﺎﺳﻠﯩﺸﯩﺪﯨﻐﺎﻧﻠﯩﻘﯩﻐﺎ ﺑﻮﻟﻐﺎﻥ ﺋﯩﺸﻪﻧﭽﯩﻤﻨﻰ ﺋﺎﺷﯘﺭﯨﺪﯗ. ﺋﺎﻣﯧﺮﯨﻜﺎ ﺩﯗﻧﻴﺎﻧﯩﯔ ﻗﺎﻧﺪﺍﻗﻼ ﻳﯧﺮﯨﺪﻩ ﺑﻮﻟﻤﯩﺴﯘﻥ، ﺋﯩﺴﻼﻣﻨﯩﯔ ﻫﻪﻗﯩﻘﯩﻲ ﺳﯜﺭﯨﺘﯩﻨﻰ ﺑﻮﺭﻣﯩﻼﭖ ﻛﯚﺭﺳﯩﺘﯩﺪﯨﻐﺎﻥ ﺧﺎﻫﯩﺸﻼﺭﻏﺎ ﻗﺎﺭﺷﻰ ﺗﯘﺭﯨﺪﯗ. ﻟﯧﻜﯩﻦ ﻣﯘﺳﯘﻟﻤﺎﻧﻼﺭﻧﻰ ﻣﻪﺩﻩﻧﯩﻴﻪﺗﺴﯩﺰﻟﻪﺭ ﺩﻩﭖ ﺳﯜﭘﻪﺗﻠﻪﺵ ﻮﻏﺮﺍ ﺑﻮﻟﻤﯩﻐﺎﻧﺪﻩﻙ، ﺋﺎﻣﯧﺮﯨﻜﯩﻨﻰ ﺋﯩﻤﭙﯧﺮﺍﺗﻮﺭﻟﯘﻕ ﺩﻩﭖ ﭼﯜﺷﯩﻨﯩﺸﻤﯘ ﺗﻮﻏﺮﺍ ﺋﻪﻣﻪﺱ. ﻣﻪﻟﯘﻣﻜﻰ، ﺋﺎﻣﯧﺮﯨﻜﺎ ﺩﯗﻧﻴﺎ ﺗﻪﺭﻩﻗﻘﯩﻴﺎﺗﯩﻨﯩﯔ ﺋﺎﺳﺎﺳﻠﯩﻖ ﻣﻪﻧﺒﯩﺌﻰ ﺳﺎﻧﯩﻠﯩﺪﯗ. ﻣﻪﻥ ﺋﯩﻤﭙﯧﺮﺍﺗﻮﺭﻟﯘﻗﻘﺎ ﻗﺎﺭﺷﻰ ﻗﺎﻧﻠﯩﻖ ﻗﻮﺯﻏﯩﻼﯕﻼﺭﻧﻰ ﻛﯚﺗﯜﺭﯛﭖ، ﺩﯦﻤﻮﻛﺮﺍﺗﯩﻴﯩﻨﻰ ﺋﻪﻣﻪﻟﮕﻪ ﺋﺎﺷﯘﺭﻏﺎﻥ ﯞﻩ ﻫﻪﻣﻤﻪ ﺑﺎﺭﺍﯞﻩﺭ ﺑﻮﻟﯩﺪﯨﻐﺎﻥ ﺋﺎﺩﺍﻟﻪﺗﻨﻰ ﺑﻪﺭﭘﺎ ﻗﯩﻠﻐﺎﻥ ﺯﯦﻤﯩﻨﺪﻩ ﺗﯘﻏﯘﻟﺪﯗﻡ. ﺋﺎﻣﯧﺮﯨﻜﺎ ﯩﺘﺘﯩﭙﺎﻗﺪﺍﺵ ﺷﯩﺘﺎﺗﻼﺭﺩﯨﻦ ﺑﯩﺮﻟﯩﻜﻜﻪ ﻛﻪﻟﮕﻪﻥ ﺩﯦﻤﻮﻛﺮﺍﺗﯩﻚ ﺑﯩﺮ ﺩﯙﻟﻪﺕ. ﻫﻪﻕ - ﻫﻮﻗﯘﻗﺘﺎ ﻫﻪﻣﻤﻪ ﺋﻮﺧﺸﺎﺵ. ﻫﻪﺗﺘﺎ ﻣﻪﻥ ﺑﺎﺭﺍﻙ ﻫﯜﺳﻪﻳﻦ ﺋﻮﺑﺎﻣﺎ ﺑﯘ ﺩﯙﻟﻪﺗﻜﻪ ﭘﺮﯦﺰﯨﺪﯦﻨﺖ ﺑﻮﻟﯘﭖ ﺳﺎﻳﻼﻧﺪﯨﻢ. ﺋﺎﻣﯧﺮﯨﻜﯩﺪﺍ ﻳﻪﺗﺘﻪ ﻣﯩﻠﻴﻮﻥ ﻣﯘﺳﯘﻟﻤﺎﻥ ﻳﺎﺷﺎﻳﺪﯗ، ﻫﻪﺭ ﺑﯩﺮ ﯞﯨﻼﻳﻪﺗﺘﻪ ﻣﻪﺳﭽﯩﺘﻠﻪﺭ ﺗﯧﭙﯩﻠﯩﺪﯗ، ﻣﯘﺳﯘﻟﻤﺎﻥ ﺋﺎﻳﺎﻟﻼﺭ ﯞﻩ ﻗﯩﺰﻻﺭ ﻣﯘﺳﯘﻟﻤﺎﻧﭽﻪ ﻛﯩﻴﯩﻨﯩﺸﺘﯩﻦ ﻣﻪﻧﺌﻰ ﻗﯩﻠﯩﻨﻤﺎﻳﺪﯗ. ﺋﯩﻨﺴﺎﻧﻼﺭ ﻗﺎﻳﺴﻰ ﺩﯨﻦ ﯞﻩ ﻗﺎﻳﺴﻰ ﻣﯩﻠﻠﻪﺗﺘﯩﻦ ﺑﻮﻟﻤﯩﺴﯘﻥ، ﺋﺎﻣﯧﺮﯨﻜﯩﺪﺍ ﺑﺎﺭﺍﯞﻩﺭ ﻳﺎﺷﺎﺵ ﻫﻮﻗﯘﻗﯩﻐﺎ ﺋﯩﮕﻪ. ﺋﺎﻣﯧﺮﯨﻜﺎ ﻣﯘﺳﯘﻟﻤﺎﻧﻼﺭﻏﺎ ﻳﺎﻛﻰ ﺋﯩﺴﻼﻣﻐﺎ ﻗﺎﺭﺷﻰ ﺋﻪﻣﻪﺱ، ﻟﯧﻜﯩﻦ ﺩﯨﻨﻨﻰ ﻳﺎﻣﺎﻥ ﻏﻪﺭﻩﺯ ﺑﯩﻠﻪﻥ ﻗﻮﻟﻠﯩﻨﯩﺪﯨﻐﺎﻧﻼﺭﻏﺎ ﻗﺎﺭﺷﻰ ﺗﯘﺭﯨﺪﯗ. ﺑﯘ ﻣﺎﯞﺯﯗﺩﺍ ﺳﯩﻠﻪﺭ ﺑﯩﻠﻪﻥ ﻫﻪﻣﻤﯩﻤﯩﺰ ﺑﯩﺮﻣﯩﺰ. ﺭﺍﺩﯦﻜﺎﻟﻠﯩﻘﻘﺎ ﯞﻩ ﺗﯧﺮﺭﻭﺭﻟﯘﻗﻘﺎ ﻫﻪﻣﻤﻪ ﺑﯩﺮﻟﯩﻜﺘﻪ ﻗﺎﺭﺷﻰ ﺗﯘﺭﯨﺸﯩﻤﯩﺰ ﻻﺯﯨﻢ. ﭘﯜﺗﯜﻥ ﺩﯨﻨﻼﺭ ﺭﺍﺩﯦﻜﺎﻟﻠﯩﻘﻘﺎ ﻗﺎﺭﺷﻰ ﺗﯘﺭﯨﺪﯗ. ﻗﯘﺭﺋﺎﻥ ﻛﻪﺭﯨﻤﺪﻩ:' ﻛﯩﻤﻜﻰ ﻧﺎﻫﻪﻕ ﺋﺎﺩﻩﻡ ﺋﯚﻟﺘﯜﺭﻣﯩﮕﻨﻪ ﻳﺎﻛﻰ ﻳﻪﺭ ﻳﯜﺯﯨﺪﻩ ﺑﯘﺯﻏﯘﻧﭽﯩﻠﯩﻖ ﻗﯩﻠﻤﯩﻐﺎﻥ ﺑﯩﺮ ﺋﺎﺩﻩﻣﻨﻰ ﺋﯚﻟﺘﯜﺭﺳﻪ، ﺋﯘ ﭘﯜﺗﯜﻥ ﺋﯩﻨﺴﺎﻧﻼﺭﻧﻰ ﺋﯚﻟﺘﯜﺭﮔﻪﻧﺪﻩﻙ ﺑﻮﻟﯩﺪﯗ، ﻛﯩﻤﻜﻰ ﺑﯩﺮ ﺋﺎﺩﻩﻣﻨﻰ ﺗﯩﺮﯨﻠﺪﯛﺭﺳﻪ ( ﻗﯘﺗﻘﯘﺯﺳﺎ) ، ﺋﯘ ﭘﯜﺗﯜﻥ ﺋﯩﻨﺴﺎﻧﻼﺭﻧﻰ ﻗﯘﺗﻘﯘﺯﻏﺎﻧﺪﻩﻙ ﺑﻮﻟﯩﺪﯗ' ﺩﯦﻴﯩﻠﮕﻪﻥ. ﻫﻪﻗﯩﻘﯩﻲ ﺋﯩﺴﻼﻡ ﻳﯩﺮﯨﻜﻠﯩﻜﻜﻪ ﯞﻩ ﺭﺍﺩﯦﻜﺎﻟﻠﯩﻘﻘﺎ ﻗﺎﺭﺷﻰ ﺗﯘﺭﯨﺪﯗ. ﺋﯩﺴﻼﻡ ﺩﯨﻨﯩﻨﯩﯔ ﯞﻩ ﻣﯘﺳﯘﻟﻤﺎﻧﻼﺭﻧﯩﯔ ﺋﺎﺩﺍﻟﻪﺕ ﯞﻩ ﺗﯩﻨﭽﻠﯩﻘﭙﻪﺭﯞﻩﺭﻟﯩﻜﯩﻨﻰ ﺋﯚﺗﻤﯜﺷﻠﻪﺭﺩﻩ ﺋﯩﺴﭙﺎﻧﯩﻴﻪ ﯞﻩ ﻗﯘﺭﺗﯘﺑﯩﻠﻪﺭﺩﻩ ﻳﯜﺭﮔﯜﺯﮔﻪﻥ ﻫﯚﻛﯜﻣﺮﺍﻧﻠﯩﻘﯩﺪﯨﻦ ﺑﯩﻠﯩﯟﺍﻟﻐﯩﻠﻰ ﺑﻮﻟﯩﺪﯗ. ﻟﯧﻜﯩﻦ ﺋﻪﻟﻘﺎﺋﯩﺪﻩ ﻧﺎﻫﻪﻕ ﺋﺎﺩﻩﻡ ﺋﯚﻟﺘﯜﺭﮔﻪﻧﻠﯩﻜﻰ ﺋﯜﭼﯜﻥ ﺋﺎﻣﯧﺮﯨﻜﺎ ﺋﯘﻻﺭﻏﺎ ﻗﺎﺭﺷﻰ ﺋﯘﺭﯗﺵ ﺋﺎﭼﺘﻰ. ﻛﯧﻠﯩﺪﯨﻐﺎﻥ ﻳﯩﻠﻨﯩﯔ ﻛﯩﺮﯨﺸﻰ ﺑﯩﻠﻪﻥ ﮔﯜﺋﻪﻧﺘﺎﻧﺎﻣﻮ ﺗﯜﺭﻣﯩﺴﻰ ﺗﺎﻗﯩﻠﯩﺪﯗ.""
 

ﭘﻪﻟﻪﺳﺘﯩﻦ ﺩﯙﻟﯩﺘﻰ ﻗﯘﺭﯗﺵ ﺋﺎﻣﯧﺮﯨﻜﯩﻨﯩﯔ ﺋﺎﺭﺯﯗﺳﻰ

ﺋﻮﺑﺎﻣﺎ ﻳﻪﻧﻪ ﻣﯘﻧﺪﺍﻕ ﺩﯦﺪﻯ:" ﺋﺎﻣﯧﺮﯨﻜﯩﻨﯩﯔ ﺋﯩﺴﺮﺍﺋﯩﻠﯩﻴﻪ ﺑﯩﻠﻪﻥ ﺑﻮﻟﻐﺎﻥ ﻛﯜﭼﻠﯜﻙ ﻣﯘﻧﺎﺳﯩﯟﯨﺘﯩﻨﻰ ﻫﻪﻣﻤﻪ ﻳﺎﺧﺸﻰ ﺑﯩﻠﯩﺪﯗ. ﺑﯘ ﺋﻮﺭﺗﺎﻕ ﻣﻪﺩﻩﻧﯩﻴﻪﺕ ﯞﻩ ﺋﻮﺭﺗﺎﻗﻘﺎ ﺗﺎﺭﯨﺨﻘﺎ ﻣﯘﻧﺎﺳﯩﯟﻩﺗﻠﯩﻚ ﺋﯩﺶ. ﺷﯘﻧﯩﻤﯘ ﺋﻮﻧﯘﺗﻤﺎﺳﻠﯩﻖ ﻛﯧﺮﻩﻛﻜﻰ، ﻳﻪﻫﯘﺩﯨﻴﻼﺭ ﺋﯚﺗﻤﯜﺷﻠﻪﺭﺩﻩ ﻛﯚﭖ ﻗﯩﺮﻏﯩﻨﭽﯩﻠﯩﻘﻼﺭﻏﺎ ﺋﯘﭼﺮﯨﻐﺎﻥ ﺑﯩﺮ ﺧﻪﻟﻖ. ﭘﻪﻟﻪﺳﺘﯩﻨﻠﻪﺭﻣﯘ ﻫﺎﺯﯨﺮ ﭼﯧﺪﯨﺮﻻﺭﻏﺎ ﭘﺎﻧﺎﻫﻠﯩﻨﯩﺸﻘﺎ ﻣﻪﺟﺒﯘﺭ ﺑﻮﻟﯘﭖ ﻛﯚﭖ ﻗﯩﻴﯩﻨﭽﯩﻠﯩﻘﻼﺭﻧﻰ ﺗﺎﺭﺗﻤﺎﻗﺘﺎ. ﭘﻪﻟﻪﺳﺘﯩﻦ ﺩﯙﻟﯩﺘﻰ ﻗﯘﺭﯗﻟﯘﭖ، ﺋﯩﺴﺮﺍﺋﯩﻠﯩﻴﻪ - ﭘﻪﻟﻪﺳﺘﯩﻦ ﺋﯩﻜﻜﻰ ﺩﯙﻟﻪﺗﻨﯩﯔ ﺗﯩﻨﭽﻠﯩﻖ ﺋﯩﭽﯩﺪﻩ ﺋﯚﺗﯜﺷﻰ ﺋﯜﭼﯜﻥ ﻫﻪﻣﻤﻪ ﺑﯩﺮﮔﻪ ﺋﯩﺸﻠﯩﺸﯩﻤﯩﺰ ﻻﺯﯨﻢ. ﻗﯘﺩﯗﺱ ﺷﻪﻫﯩﺮﯨﻨﯩﯔ ﻣﯘﺳﯘﻟﻤﺎﻧﻼﺭ، ﺧﺮﯨﺴﺘﯩﺌﺎﻧﻼﺭ ﯞﻩ ﻳﻪﻫﯘﺩﯨﻼﺭﺩﯨﻦ ﺋﯩﺒﺎﺭﻩﺕ ﺋﯩﺒﺮﺍﻫﯩﻢ ﺋﻪﻟﻪﻳﻬﯩﺴﺴﺎﻻﻣﻨﯩﯔ ﺋﻪﯞﻻﺩﻟﯩﺮﻯ ﻣﻪﯕﮕﯜﻟﯜﻙ ﻳﺎﺷﺎﻳﺪﯨﻐﺎﻥ ﺗﯩﻨﭽﻠﯩﻖ ﺯﯦﻤﯩﻨﻰ ﺑﻮﻟﯘﺷﻰ ﺋﯜﭼﯜﻥ ﺗﯩﺮﯨﺸﯩﻤﯩﺰ. ﭘﻪﻟﻪﺳﺘﯩﻦ ﺯﯦﻤﯩﻨﻰ ﻣﯘﺳﯘﻟﻤﺎﻧﻼﺭ، ﺧﺮﯨﺴﺘﯩﺌﺎﻧﻼﺭ ﯞﻩ ﻳﻪﻫﯘﺩﯨﻴﻼﺭ ﺋﯜﭼﯜﻥ ﻣﯘﻗﻪﺩﺩﻩﺱ ﺯﯦﻤﯩﻦ ﻫﯧﺴﺎﺑﻠﯩﻨﯩﺪﯗ. ﺋﯩﺴﺮﺍ - ﻣﯩﺮﺍﺝ ﻗﯩﺴﺴﯩﺴﯩﺪﻩ، ﻣﯘﺳﺎ، ﺋﯩﺴﺎ ﯞﻩ ﻣﯘﻫﻪﻣﻤﻪﺩ (ﺋﻪﻟﻪﻳﻬﯩﺴﺴﺎﻻﻡ) ﻟﻪﺭﻧﯩﯔ ﺋﯩﺮﯗﺳﺎﻟﯩﻤﺪﺍ ﺑﯩﺮﮔﻪ ﻧﺎﻣﺎﺯ ﺋﻮﻗﯘﻏﺎﻧﻠﯩﻘﻰ ﺑﺎﻳﺎﻥ ﻗﯩﻠﯩﻨﯩﺪﯗ. ﺭﺍﺩﯦﻜﺎﻟﻠﯩﻘﻘﺎ ﻗﺎﺭﺷﻰ ﺗﯘﺭﯗﭖ، ﺋﯚﺯ ‏ - ﺋﺎﺭﺍ ﺑﯩﺮ - ﺑﯩﺮﯨﮕﻪ ﻛﻪﯕﭽﯩﻠﯩﻚ ﻗﯩﻠﯩﺶ ﺑﯩﻠﻪﻥ ﺋﯚﺗﯜﺵ ﻫﻪﻗﯩﻘﯩﻲ ﺗﯩﻨﭽﻠﯩﻘﻨﯩﯔ ﻳﻮﻟﯩﺪﯗﺭ. ﻗﯘﺭﺋﺎﻥ ﻛﻪﺭﯨﻤﺪﻩ:' ﺋﻰ ﺋﯩﻨﺴﺎﻧﻼﺭ! ﺑﯩﺰ ﺳﯩﻠﻪﺭﻧﻰ ﺋﺎﺩﻩﻡ ﺑﯩﻠﻪﻥ ﻫﻪﯞﯞﺍﺩﯨﻦ ﺋﯩﺒﺎﺭﻩﺕ ﺑﯩﺮ ﺋﻪﺭ، ﺑﯩﺮ ﺋﺎﻳﺎﻟﺪﯨﻦ ﻳﺎﺭﺍﺗﺘﯘﻕ، ﺋﯚﺯ ‏ - ﺋﺎﺭﺍ ﺗﻮﻧﯘﺷﯘﺷﯘﯕﻼﺭ ﺋﯜﭼﯜﻥ ﺳﯩﻠﻪﺭﻧﻰ ﻧﯘﺭﻏﯘﻥ ﻣﯩﻠﻠﻪﺕ ﯞﻩ ﺋﯘﺭﯗﻕ ﻗﯩﻠﺪﯗﻕ' ﺩﯦﻴﯩﻠﮕﻪﻥ. ﺗﻪﯞﺭﺍﺗﺘﺎ:' ﻫﻪﻣﻤﯩﯖﻼﺭ (ﺗﯩﻨﭽﻠﯩﻘﻨﻰ ﺋﻪﻣﻪﻟﮕﻪ ﺋﺎﺷﯘﺭﯛﺷﺘﯩﻦ ﺋﯩﺒﺎﺭﻩﺕ) ﺑﯩﺮ ﻏﺎﻳﻪ ﺋﯜﭼﯜﻥ ﺑﯩﺮﻟﯩﺸﯩﯖﻼﺭ' ﺩﯦﻴﯩﻠﮕﻪﻥ. ﺋﯩﻨﺠﯩﻠﺪﺍ:' ﻳﻪﺭ ﻳﯜﺯﯨﮕﻪ ﺗﯩﻨﭽﻠﯩﻖ ﺋﯧﻠﯩﭗ ﻛﻪﻟﮕﯜﭼﯩﻠﻪﺭﮔﻪ ﻣﯘﺑﺎﺭﻩﻙ ﺑﻮﻟﺴﯘﻥ' ﺩﯦﻴﯩﻠﮕﻪﻥ."
 

ﺩﯦﻤﻮﻛﺮﺍﺗﯩﻴﻪ ﭘﯜﺗﯜﻥ ﺧﻪﻟﻘﻨﯩﯔ ﻫﻪﻗﻘﻰ

ﺋﻮﺑﺎﻣﺎ ﺳﯚﺯﯨﻨﯩﯔ ﺋﺎﺧﯩﺮﯨﺪﺍ ﻣﯘﻧﺪﺍﻕ ﺩﯦﺪﻯ:" ﺩﯗﻧﻴﺎﻧﯩﯔ ﻗﺎﻧﺪﺍﻗﻼ ﻳﯧﺮﯨﺪﻩ ﺑﻮﻟﻤﯩﺴﯘﻥ، ﺩﯦﻤﻮﻛﺮﺍﺗﯩﻴﻨﯩﯔ ﺋﻪﻧﺪﯨﺰﯨﺴﻰ ﺑﯩﺮﺩﯗﺭ. ﻫﺎﻛﯩﻤﯩﻴﻪﺕ ﺋﯜﺳﺘﯩﺪﯨﻜﯩﻠﻪﺭ ﺑﯘﻧﻰ ﺷﯘﻧﺪﺍﻕ ﺋﻪﻣﻪﻟﯩﻴﻠﻪﺷﺘﯜﺭﯛﺷﻰ ﻻﺯﯨﻢ. ﺑﻪﺯﻯ ﻛﯩﺸﯩﻠﻪﺭ ﻫﻮﻗﯘﻗﻘﺎ ﭼﯩﻘﯩﺸﺘﯩﻦ ﺑﯘﺭﯗﻥ ﺩﯦﻤﻮﻛﺮﺍﺗﯩﻴﯩﻨﻰ ﻗﻮﻏﺪﺍﻳﺪﯗ. ﺋﻪﻣﻤﺎ ﻫﻮﻗﯘﻗﻘﺎ ﭼﯩﻘﻘﯩﻨﯩﺪﯨﻦ ﻛﯧﻴﯩﻦ، ﺑﺎﺷﻘﯩﻼﺭﻧﯩﯔ ﻫﻪﻕ - ﻫﻮﻗﯘﻗﻠﯩﺮﯨﻨﻰ ﺑﺎﺭﭼﻪ ﯞﻩﻫﺸﯩﻠﯩﻚ ﺑﯩﻠﻪﻥ ﺩﻩﭘﺴﻪﻧﺪﻩ ﻗﯩﻠﻤﺎﻗﭽﻰ ﺑﻮﻟﯩﺪﯗ. ﺑﯘ ﺩﯦﻤﻮﻛﺮﺍﺗﯩﻴﯩﻨﯩﯔ ﺭﻭﻫﯩﻐﺎ ﺋﻮﻳﻐﯘﻥ ﺋﻪﻣﻪﺱ. ﺧﻪﻟﻘﻨﯩﯔ ﻫﺎﻛﯩﻤﯩﻴﯩﺘﯩﻨﻰ ﻗﻮﻟﯩﻐﺎ ﺋﺎﻟﻐﺎﻥ ﻛﯩﺸﯩﻠﻪﺭﻧﯩﯔ ﻫﻪﻣﻤﯩﺴﯩﮕﻪ ﺋﯧﻴﺘﯩﻤﻪﻧﻜﻰ، ﺧﻪﻟﻘﻨﯩﯔ ﻫﻪﻕ - ﻫﻮﻗﯘﻗﻠﯩﺮﯨﻐﺎ ﻫﯚﺭﻣﻪﺕ ﻗﯩﻠﯩﯖﻼﺭ، ﺯﻭﺭﻟﯘﻕ ﺑﯩﻠﻪﻥ ﺋﯩﺪﺍﺭﻩ ﻗﯩﻠﯩﺶ ﺑﯩﻠﻪﻥ ﺋﻪﻣﻪﺱ، ﺑﻪﻟﻜﻰ ﺧﻪﻟﻘﻨﯩﯔ ﺧﺎﻟﯩﺸﻰ ﺑﯩﻠﻪﻥ ﻫﯚﻛﯜﻣﺮﺍﻧﻠﯩﻖ ﻗﯩﻠﯩﺪﯨﻐﺎﻥ ﺑﻮﻟﯘﯕﻼﺭ. ﺋﺎﺯ ﺳﺎﻧﻠﯩﻘﻼﺭﻧﯩﯔ ﻫﻪﻕ - ﻫﻮﻗﯘﻗﻠﯩﺮﯨﻨﻰ ﻗﻮﻏﺪﺍﺵ ﺑﻪﻙ ﻣﯘﻫﯩﻢ ﻣﻪﺳﯩﻠﻪ. ﺳﯩﻠﻪﺭ ﺋﻮﻣﯘﻡ ﺧﻪﻟﻘﻨﯩﯔ ﻣﻪﻧﭙﻪﺋﻪﺗﯩﻨﻰ ﺋﯚﺯﯛﯕﻼﺭﻧﯩﯔ ﯞﻩ ﺳﯩﻠﻪﺭ ﻣﻪﻧﺴﯘﭖ ﺑﻮﻟﻐﺎﻥ ﭘﺎﺭﺗﯩﻴﯩﻨﯩﯔ ﻣﻪﻧﭙﻪﺋﻪﺗﯩﺪﯨﻦ ﺋﯜﺳﺘﯜﻥ ﺗﯘﺗﯘﺷﯘﯕﻼﺭ ﻻﺯﯨﻢ. ﺑﯘﻧﺪﺍﻕ ﺑﻮﻟﻤﺎﻳﺪﯨﻜﻪﻥ، ﻫﻪﻗﯩﻘﯩﻲ ﺩﯦﻤﻮﻛﺮﺍﺗﯩﻴﯩﻨﻰ ﺗﺎﭘﻘﯩﻠﻰ ﺑﻮﻟﻤﺎﻳﺪﯗ."

مەنبەسى ئەركىن ئاسىيا رادىئوسى  http://www.rfa.org/uyghur