ﮔﯘﺍﯕﺪﯗﯕﺪﺍ ﺋﯘﻳﻐﯘﺭﻻﺭ ﺑﯩﻠﻪﻥ ﺧﯩﺘﺎﻳﻼﺭ ﺋﺎﺭﯨﺴﯩﺪﺍ ﻗﺎﻧﻠﯩﻖ ﺗﻮﻗﯘﻧﯘﺵ ﻳﯜﺯ ﺑﻪﺭﺩﻯ

ﺷﺎﯞﮔﯜﻩﻥﺷﻪﻫﻪﺭﻟﯩﻚ ﻫﯚﻛﯜﻣﻪﺗﻨﯩﯔ ﯞﻩﻗﻪ ﻫﻪﻗﻘﯩﺪﯨﻜﻰ ﺩﻭﻛﯩﻼﺗﯩﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﯞﻩﻗﻪﺩﻩﺟﻪﻣﺌﯩﻲ 120 ﻛﯩﺸﻰ ﻳﺎﺭﯨﻼﻧﻐﺎﻥ؛ ﺑﯘﻻﺭﺩﯨﻦ 81 ﻛﯩﺸﻰ ﺋﯘﻳﻐﯘﺭ، ﻗﺎﻟﻐﺎﻥ 39 ﻧﻪﭘﯩﺮﻯﺧﯩﺘﺎﻱ؛ ﯞﻩﻗﻪﺩﻩ 2 ﻛﯩﺸﻰ ﺋﯚﻟﮕﻪﻥ؛ ﺋﯚﻟﮕﯜﭼﯩﻠﻪﺭ ﺋﯘﻳﻐﯘﺭ. ﺑﻮﺷﯜﻥ ﻗﺎﺗﺎﺭﻟﯩﻖ ﺋﯘﭼﯘﺭﯞﺍﺳﺘﯩﻠﯩﺮﯨﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﯞﻩﻗﻪﺩﻩ ﺋﯚﻟﮕﯜﭼﯩﻠﻪﺭ ﺳﺎﻧﻰ 18 ﻧﻪﭘﻪﺭ ﺑﻮﻟﯘﭖ، ﺑﯘﻻﺭﺩﯨﻦ 12 ﻧﻪﭘﯩﺮﻯ ﺋﯘﻳﻐﯘﺭ، 6 ﻧﻪﭘﯩﺮﻯ ﺧﯩﺘﺎﻱ. ﻫﯚﻛﯜﻣﻪﺕ ﺗﻪﺭﻩﭘﻨﯩﯔ ﺩﻭﻛﻼﺗﻰﯞﻩﻗﻪﻧﯩﯔ ﻛﯧﻠﯩﭗ ﭼﯩﻘﯩﺶ ﺳﻪﯞﻩﺑﻰ ﻫﻪﻗﻘﯩﺪﻩ ﺗﻮﺧﺘﺎﻟﻤﯩﻐﺎﻥ.

ﭘﻪﻗﻪﺕ ﯞﻩﻗﻪﻧﻰﺑﯩﺮ ﺗﻪﺭﻩﭖ ﻗﯩﻠﯩﺶ ﺋﯜﭼﯜﻥ، 400 ﻧﻪﭘﻪﺭ ﺳﺎﻗﭽﻰ، 152 ﻧﻪﭘﻪﺭ ﺟﯩﺪﺩﯨﻲ ﻗﯘﺗﻘﯘﺯﯗﺵﺧﺎﺩﯨﻤﻰ، 48 ﻗﯧﺘﯩﻢ ﺟﯩﺪﺩﯨﻲ ﻗﯘﺗﻘﯘﺯﯗﺵ ﺋﺎﭘﺘﻮﻣﻮﺑﯩﻠﻰ ﻫﻪﺭﯨﻜﻪﺕ ﻗﯩﻠﻐﺎﻧﻠﯩﻘﻰﺑﯩﻠﺪﯛﺭﯛﻟﮕﻪﻥ. ﺧﯩﺘﺎﻳﭽﻪ ﺗﻮﺭ ﺑﻪﺗﻠﻪﺭﺩﯨﻜﻰ ﺋﯩﻨﻜﺎﺳﻼﺭﺩﺍ، ﺗﻮﻗﯘﻧﯘﺷﻨﯩﯔ ﺑﯩﺮ ﻗﺎﻧﭽﻪﻗﯧﺘﯩﻤﻠﯩﻖ ﺑﺎﺳﻘﯘﻧﭽﯩﻠﯩﻖ ﯞﻩﻗﻪﺳﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺋﯩﻜﻪﻧﻠﯩﻜﻰ، ﺑﺎﺳﻘﯘﻧﭽﯩﻼﺭﻧﯩﯔﺋﯘﻳﻐﯘﺭﻻﺭ ﺋﯩﻜﻪﻧﻠﯩﻜﻰ ﺑﺎﻳﺎﻥ ﻗﯩﻠﯩﻨﻤﺎﻗﺘﺎ؛ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺋﺎﺧﯩﺮﻗﻰ ﻗﯧﺘﯩﻤﻠﯩﻖﺑﺎﺳﻘﯘﻧﭽﯩﻠﯩﻖ ﯞﻩﻗﻪﺳﯩﺪﯨﻦ ﻛﯧﻴﯩﻦ، ﺯﺍﯞﯗﺗﺘﯩﻜﻰ ﺧﯩﺘﺎﻱ ﺋﯩﺸﭽﯩﻼﺭﺩﯨﻦ 200 - 300 ﻛﯩﺸﻰﺋﯘﻳﻐﯘﺭ ﺋﯩﺸﭽﯩﻼﺭ ﻳﺎﺗﺎﻕ ﺑﯩﻨﺎﺳﯩﻐﺎ ﻫﯘﺟﯘﻡ ﻗﯩﻠﻐﺎﻥ. ﺋﯘﻳﻐﯘﺭ ﺋﯩﺸﭽﯩﻼﺭﻣﯘ ﻛﺎﻟﺘﻪﻙ - ﭼﻮﻣﺎﻕ ﺑﯩﻠﻪﻥ ﻗﺎﺭﺷﯩﻠﯩﻖ ﻛﯚﺭﺳﻪﺗﻜﻪﻥ.

ﺗﻮﻗﯘﻧﯘﺵ ﺳﻪﻫﻪﺭ ﺳﺎﺋﻪﺕ 2 ﺩﯨﻦ 6 ﮔﻪﻗﻪﺩﻩﺭ 4 ﺳﺎﺋﻪﺕ ﺩﺍﯞﺍﻡ ﻗﯩﻠﻐﺎﻥ. ﺩﻩﺳﻠﻪﭘﻜﻰ ﺳﺎﺋﻪﺗﻠﻪﺭﺩﻩ ﺳﺎﻗﭽﻰ ﺗﻪﺭﻩﭖ ﯞﻩﻗﻪﮔﻪﺋﺎﺭﯨﻼﺷﻤﯩﻐﺎﻥ. ﯞﻩﻗﻪ ﺋﺎﺩﻩﻡ ﺋﯚﻟﯜﺵ ﺩﻩﺭﯨﺠﯩﺴﯩﮕﻪ ﻛﯚﺗﯜﺭﯛﻟﮕﻪﻧﺪﯨﻦ ﻛﯧﻴﯩﻦ، ﺷﻪﻫﻪﺭﺑﺎﺷﻠﯩﻘﻰ ﺟﯧﯔ ﺟﯩﻨﺘﺎﯞﻧﯩﯔ ﺑﯘﻳﺮﯗﻗﻰ ﺑﯩﻠﻪﻥ، ﺳﺎﻗﭽﯩﻼﺭ ﯞﻩﻗﻪﮔﻪ ﺋﺎﺭﯨﻼﺷﻘﺎﻥ. ﺳﺎﻗﭽﯩﻼﺭﻳﺎﺭﯨﺪﺍﺭﻻﺭﻧﻰ ﺩﻭﺧﺘﯘﺭﺧﺎﻧﯩﻐﺎ ﺋﻮﺭﯗﻧﻼﺷﺘﯘﺭﻏﺎﻧﺪﯨﻦ ﺑﺎﺷﻘﺎ، ﺯﺍﯞﯗﺗﺘﯩﻜﻰ ﻗﺎﻟﻐﺎﻥ 600 ﻧﻪﭘﻪﺭ ﺋﯘﻳﻐﯘﺭ ﺋﯩﺸﭽﯩﻨﻰ ﺯﺍﯞﯗﺗﺘﯩﻦ ﺑﺎﺷﻘﺎ ﺟﺎﻳﻼﺭﻏﺎ ﻳﯚﺗﻜﯩﮕﻪﻥ. ﺗﺎﺯﯨﻠﯩﻖ ﺋﯩﺸﭽﯩﻠﯩﺮﻯﯞﻩﻗﻪ ﻣﻪﻳﺪﺍﻧﯩﺪﯨﻜﻰ ﻗﺎﻥ ﺋﯩﺰﻟﯩﺮﯨﻨﻰ 2 ﺳﺎﺋﻪﺕ ﺋﻪﺗﺮﺍﭘﯩﺪﺍ ﻳﯘﻳﯘﭖ ﺗﺎﺯﯨﻠﯩﻐﺎﻥ.

ﯞﻩﻗﻪﺩﯨﻦﻛﯧﻴﯩﻦ ﻣﻪﺭﻛﯩﺰﻯ ﻫﯚﻛﯜﻣﻪﺗﻨﯩﯔ ﺑﯩﺨﻪﺗﻪﺭﻟﯩﻚ ﯞﻩ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﺋﯩﺸﻠﯩﺮﻯﻣﻪﺳﺌﯘﻟﻠﯩﺮﯨﺪﯨﻦ ﺟﯘﯞ ﻳﯘﯕﻜﺎﯓ، ﻣﯧﯔ ﺟﻴﻪﻧﺠﯘ ﻗﺎﺗﺎﺭﻟﯩﻘﻼﺭ، ﺷﻪﻫﻪﺭﻟﯩﻚ ﻫﯚﻛﯜﻣﻪﺗﻜﻪﻳﻮﻟﻴﻮﺭﯗﻕ ﺑﯧﺮﯨﭗ، ﯞﻩﻗﻪﻧﯩﯔ ﻛﯧﯖﯩﻴﯩﭗ ﻛﯧﺘﯩﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺸﻨﻰ، ﻳﺎﺭﯨﺪﺍﺭﻻﺭﻧﻰﻳﺎﺧﺸﻰ ﺋﻮﺭﯗﻧﻼﺷﺘﯘﺭﯗﺷﻨﻰ ﯞﻩ ﺋﯚﻟﮕﯜﭼﯩﻠﻪﺭ ﺋﺎﺋﯩﻠﻪ ﺗﺎﯞﺍﺑﺎﺗﯩﺪﯨﻦ ﻫﺎﻝ ﺳﻮﺭﺍﺷﻨﻰﺗﺎﭘﯩﻠﯩﻐﺎﻥ. ﺋﯘﻻﺭ ﻳﻪﻧﻪ ﯞﻩﻗﻪﺩﯨﻦ ﻳﺎﻣﺎﻥ ﻧﯩﻴﻪﺗﻠﯩﻚ ﻛﯩﺸﯩﻠﻪﺭﻧﯩﯔ ﭘﺎﻳﺪﯨﻠﯩﻨﯩﭗﻛﯧﺘﯩﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﯩﺸﻘﺎ ﭼﺎﻗﯩﺮﻏﺎﻥ.

ﯞﻩﻗﻪﻧﯩﯔ ﺳﻪﯞﻩﺑﻰ ﻫﻪﻗﻘﯩﺪﻩﻫﺎﺯﯨﺮﻏﯩﭽﻪ ﻣﻪﻟﯘﻣﺎﺕ ﺑﻪﺭﮔﯜﭼﯩﻠﻪﺭ ﺗﻮﻗﯘﻧﯘﺷﻨﯩﯔ ﺑﯩﺮ ﺗﻪﺭﯨﭙﻰ ﻳﻪﻧﻰ ﺧﯩﺘﺎﻱ ﺗﻪﺭﻩﭖﺑﻮﻟﯘﭖ، ﺋﯘﻳﻐﯘﺭﻻﺭﺩﯨﻦ ﺋﯧﻠﯩﻨﻐﺎﻥ ﻫﯧﭽﻘﺎﻧﺪﺍﻕ ﻣﻪﻟﯘﻣﺎﺕ ﻳﻮﻕ. ﺷﻪﻫﻪﺭﻟﯩﻚ ﻫﯚﻛﯜﻣﻪﺗﻨﯩﯔﺋﻮﺭﯗﻧﻼﺷﺘﯘﺭﯗﺵ ﺑﯘﻳﺮﯗﻗﯩﺪﺍ، ﺋﯘﻳﻐﯘﺭﻻﺭﻧﯩﯔ ﺋﯚﺭﭖ - ﺋﺎﺩﻩﺗﻠﯩﺮﯨﮕﻪ ﻫﯚﺭﻣﻪﺕ ﻗﯩﻠﯩﺶ، ﻳﯩﻤﻪﻙ - ﺋﯩﭽﻤﻪﻙ ﻗﺎﺗﺎﺭﻟﯩﻖ ﺗﯘﺭﻣﯘﺵ ﺷﺎﺭﺍﺋﯩﺘﻠﯩﺮﯨﻨﻰ ﻳﺎﺧﺸﯩﻼﺵ ﺗﻪﻛﯩﺘﻠﻪﻧﮕﻪﻥ. ﻣﺎﻧﺎﺑﯘ، ﯞﻩﻗﻪﻧﯩﯔ ﻛﯧﻠﯩﭗ ﭼﯩﻘﯩﺶ ﺳﻪﯞﻩﺑﻠﯩﺮﯨﺪﯨﻦ ﺑﯩﺮﯨﻨﯩﯔ ﺋﯘﻳﻐﯘﺭﻻﺭﻧﯩﯔ ﺋﯚﺭﭖ - ﺋﺎﺩﻩﺗﻠﯩﺮﯨﻨﯩﯔ ﺩﻩﺧﻠﻰ - ﺗﻪﺭﯛﺯﮔﻪ ﺋﯘﭼﺮﯨﻐﺎﻧﻠﯩﻘﻰ ﺋﯩﻜﻪﻧﻠﯩﻜﯩﺪﯨﻦ ﺑﯩﺸﺎﺭﻩﺕﺑﻪﺭﻣﻪﻛﺘﻪ.

ﺋﯘﻳﻐﯘﺭ ﻛﯚﺯﻩﺗﻜﯜﭼﯩﻠﯩﺮﯨﻨﯩﯔ ﻗﺎﺭﯨﺸﯩﭽﻪ، ﺋﯘﻳﻐﯘﺭﻻﺭ ﺑﯩﻠﻪﻥﺧﯩﺘﺎﻳﻼﺭ ﺋﺎﺭﯨﺴﯩﺪﯨﻜﻰ ﻣﯩﻠﻠﯩﻲ ﺯﯨﺪﺩﯨﻴﻪﺕ ﻳﯩﻠﻼﺭﺩﯨﻦ ﺑﯧﺮﻯ ﺋﻮﺧﺸﺎﺵ ﺑﻮﻟﻤﯩﻐﺎﻥﺳﺎﻫﻪﻟﻪﺭﺩﻩ، ﺋﻮﺧﺸﺎﺵ ﺑﻮﻟﻤﯩﻐﺎﻥ ﺷﻪﻛﯩﻠﻠﻪﺭﺩﻩ ﺋﯩﭙﺎﺩﯨﻠﻪﻧﻤﻪﻛﺘﻪ. ﺑﯘ ﻗﯧﺘﯩﻤﻘﯩﺴﯩﻐﺎﺗﺎﺭﯨﺨﯩﻲ ﻣﻪﺳﯩﻠﯩﻠﻪﺭﺩﯨﻦ ﺑﺎﺷﻘﺎ، ﺋﯘﻳﻐﯘﺭ ﻗﯩﺰﻟﯩﺮﯨﻨﯩﯔ ﺧﯩﺘﺎﻳﻐﺎ ﻳﯚﺗﻜﯩﻠﯩﺸﻰ ﯞﻩﺧﻮﺭﻟﯩﻨﯩﺸﻰ، ﻳﯧﻘﯩﻨﺪﺍ ﻳﻪﻛﻪﻧﺪﻩ ﻳﯜﺯ ﺑﻪﺭﮔﻪﻥ ﻧﺎﺭﯨﺴﯩﺪﻩ ﻗﯩﺰﻧﯩﯔ ﺑﺎﺳﻘﯘﻧﭽﯩﻠﯩﻘﻘﺎﺋﯘﭼﺮﺍﺵ ﯞﻩﻗﻪﺳﻰ ﻗﺎﺗﺎﺭﻟﯩﻘﻼﺭﻣﯘ ﺳﻪﯞﻩﺏ ﺑﻮﻟﻐﺎﻥ ﺑﻮﻟﯘﺷﻰ ﻣﯘﻣﻜﯩﻦ.

ﻧﯚﯞﻩﺗﺘﻪ، ﺧﯩﺘﺎﻱ ﺗﻮﺭ ﺑﻪﺗﻠﯩﺮﯨﺪﻩ ﻣﻪﺯﻛﯘﺭ ﯞﻩﻗﻪ ﻗﯩﺰﺯﯨﻖ ﺗﯩﻤﺎ ﺑﻮﻟﯘﭖ ﻣﯘﻧﺎﺯﯨﺮﻩ ﻗﯩﻠﯩﻨﻤﺎﻗﺘﺎ. ﻣﯘﻧﺎﺯﯨﺮﯨﻠﻪﺭﺩﻩ ﺋﯘﻳﻐﯘﺭﻻﺭﻧﻰ ﻛﻪﻣﺴﯩﺘﯩﺪﯨﻐﺎﻥ ﺋﯩﺮﻗﭽﻰ ﺋﯩﺒﺎﺭﯨﻠﻪﺭ ﻗﻮﻟﻠﯩﻨﯩﻠﻤﺎﻗﺘﺎ.

ﺑﯘﺋﻪﻫﯟﺍﻟﻐﺎ ﻗﺎﺭﯨﺘﺎ ﺑﯜﮔﯜﻥ، ﻣﯘﺳﺘﻪﻗﯩﻞ ﺗﻪﺗﻘﯩﻘﺎﺗﭽﻰ ﺋﯩﻠﻬﺎﻡ ﺗﻮﺧﺘﻰ ﺋﯘﻳﻐﯘﺭﺑﯩﺰﺗﻮﺭﯨﺪﺍ ﺋﻮﭼﯘﻕ ﺧﻪﺕ ﺋﯧﻼﻥ ﻗﯩﻠﯩﭗ، ﺷﺎﯞﮔﯘﻩﻥ ﺷﻪﻫﻪﺭﻟﯩﻚ ﻫﯚﻛﯜﻣﻪﺗﻨﻰ، ﯞﻩﻗﻪﻧﯩﯔﻫﻪﻗﯩﻘﯩﻲ ﺳﻪﯞﻩﺑﻠﯩﺮﯨﻨﻰ ﺗﯧﺰﺩﯨﻦ ﺋﺎﺷﻜﺎﺭﯨﻼﺷﻘﺎ، ﺋﯘﻳﻐﯘﺭ ﺋﯩﺸﭽﯩﻼﺭﻧﯩﯔ ﻫﺎﻳﺎﺗﻰ ﯞﻩﺋﯩﺰﺯﻩﺕ - ﻫﯚﺭﻣﯩﺘﯩﻨﻰ ﻗﻮﻏﺪﺍﺷﻘﺎ ﭼﺎﻗﯩﺮﺩﻯ. ﺋﯘ ﻳﻪﻧﻪ ﻫﯚﻛﯜﻣﻪﺕ ﺋﻮﺭﯗﻧﻠﯩﺮﯨﻨﯩﯔ، ﺑﯘﭘﯘﺭﺳﻪﺗﺘﻪ ﺋﯘﻳﻐﯘﺭ ﺋﯧﺸﯩﻨﭽﺎ ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﺋﯩﭽﻜﯩﺮﯨﮕﻪ ﻳﯚﺗﻜﻪﺵ ﺳﯩﻴﺎﺳﯩﺘﯩﻨﻰﻗﺎﻳﺘﺎ ﻛﯚﺯﺩﯨﻦ ﻛﻪﭼﯜﺭﯛﺷﻜﻪ، ﺋﻪﻣﮕﻪﻙ ﻗﺎﻧﯘﻧﯩﻨﻰ ﺋﯘﻳﻐﯘﺭﻻﺭ ﺋﺎﺭﯨﺴﯩﺪﺍ ﺗﻮﻏﺮﺍ ﺋﯩﺠﺮﺍﻗﯩﻠﯩﺸﻘﺎ ﭼﺎﻗﯩﺮﺩﻯ.

ﺋﯩﻠﻬﺎﻡ ﺗﻮﺧﺘﻰ ﺋﻮﭼﯘﻕ ﺧﯧﺘﯩﺪﻩ ﻳﻪﻧﻪ، ﺋﯘﻳﻐﯘﺭﺗﻮﺭﺩﺍﺷﻼﺭﻧﻰ، ﻣﻪﺳﯩﻠﻪ ﺋﯧﻨﯩﻘﻼﻧﻤﯩﻐﯩﭽﻪ ﻫﯧﺴﺴﯩﻴﺎﺗﻘﺎ ﺗﺎﻳﯩﻨﯩﭗ ﭘﯩﻜﯩﺮ ﺑﺎﻳﺎﻥﻗﯩﻠﻤﺎﺳﻠﯩﻘﻘﺎ، ﻟﯧﻜﯩﻦ ﻣﻪﺳﯩﻠﯩﻨﯩﯔ ﺑﯩﺮ ﺗﻪﺭﻩﭖ ﻗﯩﻠﯩﻨﯩﺶ ﺟﻪﺭﻳﺎﻧﯩﻨﻰ ﺋﯩﺰﭼﯩﻞﻛﯚﺯﯨﺘﯩﺸﻜﻪ ﯞﻩ ﻣﻪﺳﯩﻠﯩﻨﯩﯔ ﺋﺎﺩﯨﻞ ﺑﯩﺮ ﺗﻪﺭﻩﭖ ﻗﯩﻠﯩﻨﯩﺸﯩﻨﻰ ﻗﺎﻧﯘﻧﯩﻲ ﻳﻮﻝ ﺑﯩﻠﻪﻥﺗﻪﻟﻪﭖ ﻗﯩﻠﯩﺸﻘﺎ ﭼﺎﻗﯩﺮﺩﻯ.

ﺷﻮﻫﺮﻩﺕ ﻫﻮﺷﯘﺭ ئەركىن ئاسىيا رادىئوسى