ﺋﯩﺴﺘﺎﻧﺒﯘﻟﺪﺍ ﺗﯜﺭﻛﻰ ﺗﯩﻠﻼﺭ ﺩﯨﯟﺍﻧﯩﻨﻰ ﺗﯜﻧﺠﻰ ﻗﯧﺘﯩﻢ ﺗﯧﭙﯩﭗ ﭼﯩﻘﻘﺎﻥ ﺷﻪﺧﺲ ﺋﻪﻟﻰ ﺋﻪﻣﯩﺮﻯ ﺋﻪﭘﻪﻧﺪﯨﻨﻰ ﺧﺎﺗﯩﺮﯨﻠﻪﺵ ﻣﯘﺭﺍﺳﯩﻤﻰ ﺋﯚﺗﻜﯜﺯﯛﻟﺪﻯ

ﻣﯘﺭﺍﺳﯩﻤﻐﺎ ﺗﯜﺭﻛﯩﻴﻪ ﻣﻪﺩﻩﻧﯩﻴﻪﺕ ﯞﻩ ﺳﺎﻳﺎﻫﻪﺕ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﻛﯜﺗﯜﭘﺨﺎﻧﯩﻼﺭ ﯞﻩ ﻧﻪﺷﺮﯨﻴﺎﺗﻼﺭ ﻣﯘﺩﯨﺮﻯ ﺋﺎﻳﺘﯧﻜﯩﻦ ﻳﯩﻠﻤﺎﺯ، ﺗﯜﺭﻛﯩﻴﻪ ﺩﯙﻟﻪﺕ ﻣﻪﺟﻠﯩﺴﻰ ﺋﺎﺳﺎﺳﯩﻲ ﻗﺎﻧﯘﻥ ﻛﻮﻣﯩﺘﯧﺘﯩﻨﯩﯔ ﺑﺎﺷﻠﯩﻘﻰ ﺑﻮﺭﻫﺎﻥ ﻛﯘﺯﯗ، ﺳﺎﺑﯩﻖ ﭘﺎﺭﻻﻣﯧﻨﺖ ﺋﻪﺯﺍﺳﻰ ﻣﻪﺭﯞﻩ ﻛﺎﯞﺍﻛﭽﻰ، ﺩﻭﻏﺎﻥ ﻫﯩﺰﻻﻥ، ﺋﯩﺴﺘﺎﻧﺒﯘﻝ ﺷﻪﻫﯩﺮﯨﮕﻪ ﻗﺎﺭﺍﺷﻠﯩﻖ ﻓﺎﺗﯩﻬ ﺭﺍﻳﻮﻧﻠﯘﻕ ﺷﻪﻫﻪﺭ ﺑﺎﺷﻠﯩﻘﻰ ﻣﯘﺳﺘﺎﻓﺎ ﺩﯦﻤﯩﺮ، ﺋﯩﺴﺘﺎﻧﺒﯘﻝ ﻣﯩﻠﻠﻪﺕ ﻛﯘﺗﯘﭘﺨﺎﻧﯩﻨﯩﯔ ﻣﯘﺩﯨﺮﻯ ﻣﻪﻟﻪﻙ ﮔﻪﻧﭽﺒﻮﻳﺎﺟﻰ ﻗﺎﺗﺎﺭﻟﯩﻖ ﻣﯘﻫﯩﻢ ﺷﻪﺧﺴﻠﻪﺭ ﻗﺎﺗﻨﺎﺷﺘﻰ، ﻣﯘﺭﺍﺳﯩﻤﻐﺎ ﺋﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ ﺋﺎﻟﯩﻤﻼﺭ، ﻳﺎﺯﻏﯘﭼﯩﻼﺭ، ﺗﻪﺗﻘﯩﻘﺎﺗﭽﯩﻼﺭ ﺑﻮﻟﯘﭖ 500 ﺩﯨﻦ ﺋﺎﺭﺗﯘﻕ ﻛﯩﺸﻰ ﺋﯩﺸﺘﯩﺮﺍﻙ ﻗﯩﻠﺪﻯ.

ﻣﯘﺭﺍﺳﯩﻤﻐﺎ ﻓﺎﺗﯩﻬ ﺷﻪﻫﻪﺭﻟﯩﻚ ﻣﻪﺩﻩﻧﯩﻴﻪﺕ ﻣﻪﺳﻠﯩﻬﻪﺗﭽﯩﺴﻰ ﯞﺍﻫﺪﻩﺗﺘﯩﻦ ﺋﯩﺸﯩﻖ ﺋﻪﭘﻪﻧﺪﻯ ﺭﯨﻴﺎﺳﻪﺗﭽﯩﻠﯩﻚ ﻗﯩﻠﺪﻯ. ﻣﯘﺭﺍﺳﯩﻢ ﺋﯩﺴﺘﯩﻘﻼﻝ ﻣﺎﺭﺷﻰ ﺋﻮﻗﯘﺵ ﺑﯩﻠﻪﻥ ﺑﺎﺷﻼﻧﺪﻯ ﻣﯘﺭﺍﺳﯩﻤﺪﺍ ﻓﺎﺗﯩﻬ ﺭﺍﻳﻮﻧﻠﯘﻕ ﺷﻪﻫﻪﺭ ﺑﺎﺷﻠﯩﻘﻰ ﻣﯘﺳﺘﺎﻓﺎ ﺩﯦﻤﯩﺮ ﺋﻪﭘﻪﻧﺪﻯ ﺋﯧﭽﯩﻠﯩﺶ ﻧﯘﺗﯩﻘﻰ ﺳﯚﺯﻟﯩﺪﻯ.

ﻣﯘﺭﺍﺳﯩﻤﺪﺍ ﻣﺎﺭﻣﺎﺭﺍ ﺋﯘﻧﯩﯟﯦﺮﯨﺴﺘﯧﺘﯩﻨﯩﯔ ﺋﻮﻗﯘﺗﻘﯘﭼﯩﺴﻰ ﭘﺮﻭﻓﯧﺴﺴﻮﺭ ﺩﻭﻛﺘﯘﺭ ﻣﯘﺳﺘﺎﻓﺎ ﻛﺎﭼﺎﻻﻥ "ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ" ﺩﯦﮕﻪﻥ ﺗﯧﻤﯩﺪﺍ، ﺳﺎﻛﺎﺭﯨﻴﻪ ﺋﯘﻧﯩﯟﯦﺮﯨﺴﺘﯧﺘﯩﻨﯩﯔ ﺋﻮﻗﯘﺗﻘﯘﭼﯩﺴﻰ ﻣﯘﺳﺘﺎﻓﺎ ﺋﺎﺭﺳﻼﻥ "ﺋﻪﻟﻰ ﺋﻪﻣﯩﺮﻯ ﺋﻪﭘﻪﻧﺪﯨﻨﯩﯔ ﺩﯨﯟﺍﻧﻰ ﻫﻪﻗﻘﯩﺪﻩ" ﺩﯦﮕﻪﻥ ﺗﯧﻤﯩﺪﺍ، ﻓﺎﺗﯩﻬ ﺋﯘﻧﯩﯟﯦﺮﺳﯩﺘﯧﺘﻰ ﺗﯩﻞ ‏- ﺋﻪﺩﻩﺑﯩﻴﺎﺕ ﻓﺎﻛﯘﻟﺘﯧﺘﯩﻨﯩﯔ ﺗﻪﺗﻘﯩﻘﺎﺗﭽﯩﺴﻰ ﺳﺎﺩﯨﻖ ﻳﺎﺯﺍﺭ ﺋﻪﭘﻪﻧﺪﻯ "ﺋﻪﻟﻰ ﺋﻪﻣﯩﺮﻯ ﺋﻪﭘﻪﻧﺪﯨﻨﯩﯔ ﻣﺎﻗﺎﻝ‏ - ﺗﻪﻣﺴﯩﻠﻠﯩﺮﻯ " ﺩﯦﮕﻪﻥ ﺗﯧﻤﯩﺪﺍ ﺳﯚﺯ ﻗﯩﻠﺪﻯ.

ﭘﺮﻭﻓﯧﺴﺴﻮﺭ ﺩﻭﻛﺘﯘﺭ ﻣﯘﺳﺘﺎﻓﺎ ﻛﺎﭼﺎﻻﻥ ﺋﻪﭘﻪﻧﺪﻯ "ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ" ﺩﯦﮕﻪﻥ ﺗﯧﻤﯩﺪﺍ ﺳﯚﺯ ﻗﯩﻠﯩﭗ، ﻣﯘﻧﺪﺍﻕ ﺩﯦﺪﻯ: "ﻣﻪﻥ ﺳﯩﻠﻪﺭﮔﻪ ﺗﯜﺭﻛﯩﻲ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﯩﻨﯩﯔ ﻗﻮﻝ ﻳﺎﺯﻣﯩﺴﯩﻨﻰ ﺗﻮﻧﯘﺷﺘﯘﺭﯨﻤﻪﻥ. ﺋﺎﻟﺪﻯ ﺑﯩﻠﻪﻥ ﺑﯘ ﻛﯩﺘﺎﺏ ﺑﯩﺮ ﻧﻪﭼﭽﻪ ﻳﯜﺯ ﻳﯩﻞ ﻳﻮﻗﺎﭖ ﻛﯧﺘﯩﭗ ﻛﯧﻴﯩﻦ ﻗﺎﻧﺪﺍﻕ ﺑﻮﻟﯘﭖ ﺋﯩﺴﺘﺎﻧﺒﯘﻟﺪﺍ ﺋﻪﻟﻰ ﺋﻪﻣﯩﺮﻯ ﺋﻪﭘﻪﻧﺪﻯ ﺗﻪﺭﯨﭙﯩﺪﯨﻦ ﺗﯧﭙﯩﻠﺪﻯ، ﺑﯘ ﻫﻪﻗﺘﻪ ﺗﻮﺧﺘﯩﻠﯩﭗ ﺋﯚﺗﯩﻤﻪﻥ، ﺋﻪﻟﻰ ﺋﻪﻣﯩﺮﻯ ﺋﻪﭘﻪﻧﺪﻯ ﺋﯩﺴﺘﺎﻧﺒﯘﻟﺪﯨﻜﻰ ﺑﯩﺮ ﻛﯩﺘﺎﺏ ﺩﯗﻛﯩﻨﯩﺪﺍ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ ﺩﯦﮕﻪﻥ ﻛﯩﺘﺎﺑﻨﻰ ﻛﯚﺭﯛﭖ ﻛﯚﺯﻟﯩﺮﯨﮕﻪ ﺋﯩﺸﻪﻧﻤﻪﻱ ﻗﺎﻟﻐﺎﻥ، ﭼﯜﻧﻜﻰ ﺑﯘ ﻛﯩﺘﺎﺏ ﻛﯚﭖ ﺋﯩﺰﺩﻩﭖ ﺗﯧﭙﯩﻠﻤﯩﻐﺎﻥ ﻛﯩﺘﺎﺑﻼﺭﺩﯨﻦ ﺑﯩﺮﻯ ﺋﯩﺪﻯ. ﺋﻪﻟﻰ ﺋﻪﻣﯩﺮﻯ ﺋﻪﭘﻪﻧﺪﻯ "ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ" ﻧﻰ ﺑﯜﮔﯜﻧﻨﯩﯔ ﭘﯘﻟﯩﻐﺎ ﺳﯘﻧﺪﯗﺭﻏﺎﻧﺪﺍ 9000 ﺗﯜﺭﻙ ﻟﯩﺮﺍﺳﯩﻐﺎ ﺳﯧﺘﯩﯟﺍﻟﻐﺎﻥ . ﺑﯘ ﭘﯘﻟﻐﺎ ﺋﯩﺴﺘﺎﻧﺒﯘﻟﺪﺍ ﻧﻮﺭﻣﺎﻝ ﺑﯩﺮ ﺋﺎﭘﺘﻮﻣﻮﺑﯩﻞ ﻛﯧﻠﯩﺪﯗ، ﺋﻪﻟﻰ ﺋﻪﻣﯩﺮﻯ ﺋﻪﭘﻪﻧﺪﻯ ﺑﯩﺮ ﺋﺎﭘﺘﻮﻣﻮﺑﯩﻞ ﻛﯧﻠﯩﺪﯨﻐﺎﻥ ﭘﯘﻟﻨﻰ ﻫﯧﭻ ﺋﯩﻜﻜﯩﻠﻪﻧﻤﻪﺳﺘﯩﻦ ﺑﯩﺮ ﻛﯩﺘﺎﺑﻨﻰ ﺳﯧﺘﯩﯟﯦﻠﯩﺶ ﺋﯜﭼﯜﻥ ﺳﻪﺭﭖ ﻗﯩﻠﻐﺎﻥ. ﺋﯘ ﻛﯩﺘﺎﺑﻨﯩﯔ ﺑﺎﻫﺎﺳﻰ ﻗﯩﻤﻤﻪﺕ ﺑﻮﻟﻐﺎﭼﻘﺎ ﻳﯧﻨﯩﺪﯨﻜﻰ ﭘﯘﻟﻰ ﻳﯧﺘﯩﺸﻤﻪﻱ ﻗﻪﺭﺯ ﺳﻮﺭﺍﺷﻘﺎ ﻣﻪﺟﺒﯘﺭ ﺑﻮﻟﻐﺎﻥ، ﺋﻪﻣﻤﺎ ﭘﯘﻝ ﻗﻪﺭﺯ ﺳﻮﺭﺍﺷﻘﺎ ﻛﻪﺗﻜﻪﻧﺪﻩ ﻛﯩﺘﺎﺑﻨﻰ ﺑﺎﺷﻘﺎ ﺑﯩﺮﺳﯩﻨﯩﯔ ﺋﯧﻠﯩﭗ ﻛﯧﺘﯩﺸﯩﺪﯨﻦ ﺋﻪﻧﺪﯨﺸﻪ ﻗﯩﻠﯩﭗ ﻛﯩﺘﺎﺏ ﺩﻭﻛﯩﻨﯩﻨﯩﯔ ﺋﺎﻟﺪﯨﺪﺍ ﺗﻮﻧﯘﺷﻠﯩﺮﯨﻨﯩﯔ ﺋﯚﺗﯩﺸﯩﻨﻰ ﻛﯜﺗﯜﭖ ﺳﺎﻗﻼﭖ ﺗﯘﺭﻏﺎﻧﺪﺍ، ﻳﯧﻘﯩﻦ ﺑﯩﺮ ﺩﻭﺳﺘﻰ ﺩﯗﻛﺎﻧﻨﯩﯔ ﺋﺎﻟﺪﯨﺪﯨﻦ ﺋﯚﺗﻜﻪﻥ ﯞﻩ ﺋﯘﻧﯩﯖﺪﯨﻦ ﭘﯘﻝ ﻗﻪﺭﺯ ﺋﯧﻠﯩﭗ ﻛﯩﺘﺎﺑﻨﻰ ﺳﯧﺘﯩﯟﺍﻟﻐﺎﻥ ﺋﻪﻟﻰ ﺋﻪﻣﯩﺮﻯ ﺋﺎﻟﺘﯘﻥ ﺗﯧﭙﯩﯟﺍﻟﻐﺎﻧﺪﻩﻙ ﺧﯘﺷﺎﻝ ﺑﻮﻟﯘﭖ ﺋﯚﻳﯩﮕﻪ ﻗﺎﻳﺘﻘﺎﻥ ﯞﻩ ﺋﯘ ﻛﯩﺘﺎﺑﻨﯩﯔ ﻳﻮﻗﺎﭖ ﻛﯧﺘﯩﺸﯩﺪﯨﻦ ﺋﻪﻧﺴﯩﺮﻩﭖ ﺑﺎﺷﻘﯩﻼﺭﻏﺎ ﻛﯚﺭﺳﻪﺗﻤﻪﻱ ﺗﯘﺭﯗﭖ ﺑﯩﺮ ﻧﯘﺳﺨﺎﻧﻰ ﺋﯚﺯ ﻗﻮﻟﻰ ﺑﯩﻠﻪﻥ ﻳﯧﺰﯨﭗ ﻛﯚﭼﯜﺭﯛﭖ ﭼﯩﻘﻘﺎﻥ.

ﻣﯘﺳﺘﺎﻓﺎ ﻛﺎﭼﺎﺭﯨﻦ ﺋﻪﭘﻪﻧﺪﻯ ﻳﻪﻧﻪ ﻣﯘﻧﺪﺍﻕ ﺩﯦﺪﻯ: "ﺋﯘ ﻛﯩﺘﺎﺏ ﺭﻩﺗﺴﯩﺰ ﻗﺎﻻﻳﻤﯩﻘﺎﻥ ﺑﻮﻟﯘﭖ ﻛﯩﺘﺎﺑﻨﻰ ﺋﻪﯓ ﻳﯧﻘﯩﻦ ﺋﯩﺸﻪﻧﭽﻠﯩﻚ ﺩﻭﺳﺘﻰ ﻛﯩﻠﯩﺴﻠﻰ ﺭﯨﻔﺎﺕ ﺋﻪﭘﻪﻧﺪﻯ ﺋﯩﺴﯩﻤﻠﯩﻚ ﺷﻪﺧﺴﻜﻪ ﺗﯜﺯﯨﺘﯩﭗ ﺭﻩﺗﻠﻪﭖ ﭼﯩﻘﯩﺶ ﺋﯜﭼﯜﻥ ﺑﻪﺭﮔﻪﻥ. ﺷﯘﻧﺪﺍﻕ ﻗﯩﻠﯩﭗ ﻛﯩﻠﯩﺴﻠﻰ ﺭﯨﻔﺎﺕ ﺋﻪﭘﻪﻧﺪﻯ ﺑﯘ ﻛﯩﺘﺎﺑﻨﻰ ﺗﯜﺯﯨﺘﯩﭗ ﺭﻩﺗﻠﻪﭖ 3 ﻗﯧﺘﯩﻢ ﺋﻮﻗﯘﭖ ﭼﯩﻘﻘﺎﻥ . ﺋﻪﻟﻰ ﺋﻪﻣﯩﺮﻯ ﺋﻪﭘﻪﻧﺪﻯ ﺗﯜﺭﻛﻰ ﺗﯩﻠﻼﺭ ﺩﯨﯟﺍﻧﯩﻨﻰ ﺭﻩﺗﻠﻪﭖ ﺗﯜﺯﯨﺘﯩﭗ ﺑﻪﺭﮔﻪﻥ ﺩﻭﺳﺘﯩﻐﺎ ﺋﯩﺴﺘﺎﻧﺒﯘﻝ ﻗﯘﻣﻘﺎﭘﯩﺪﯨﻜﻰ ﺑﯩﺮ ﺋﯚﻳﯩﻨﻰ ﺳﻮﯞﻏﺎ ﻗﯩﻠﻐﺎﻥ، ﺋﻪﻣﻤﺎ ﺋﯘ ﺩﻭﺳﺘﻰ ﺑﯘ ﺳﻮﯞﻏﯩﻨﻰ ﻗﻮﺑﯘﻝ ﻗﯩﻠﻤﺎﻱ ﻛﯩﺘﺎﺑﻨﻰ ﻧﻪﺷﺮ ﻗﯩﻠﯩﺪﯛﺭﯛﺷﻨﻰ ﺗﻪﻟﻪﭖ ﻗﯩﻠﻐﺎﻥ. ﻛﯧﻴﯩﻦ، ﺭﯨﻔﺎﺕ ﺋﻪﭘﻪﻧﺪﻯ ﺋﯘ ﻛﯩﺘﺎﺑﻨﻰ ﺋﯜﭺ ﻗﯩﺴﯩﻢ ﺷﻪﻛﯩﻠﺪﻩ ﻧﻪﺷﺮﮔﻪ ﺗﻪﻳﻴﺎﺭﻟﯩﻐﺎﻥ. ﺷﯘﻧﺪﺍﻕ ﻗﯩﻠﯩﭗ ﺋﻪﻟﻰ ﺋﻪﻣﯩﺮﻯ ﺋﻪﭘﻪﻧﺪﻯ ﺩﻭﺳﺘﻠﯩﺮﻯ ﺑﯩﻠﻪﻥ ﻣﻪﺳﻠﯩﻬﻪﺗﻠﯩﺸﯩﭗ ﺩﯙﻟﻪﺕ ﻣﺎﺋﺎﺭﯨﭗ ﻧﺎﺯﺍﺭﯨﺘﯩﻨﯩﯔ ﻳﺎﺭﺩﯨﻤﻰ ﺑﯩﻠﻪﻥ 1915 ‏- ﻳﯩﻠﻰ ﺗﯜﻧﺠﻰ ﻗﯧﺘﯩﻢ 1 ‏- ﻗﯩﺴﯩﻤﯩﻨﻰ ﻧﻪﺷﺮ ﻗﯩﻠﺪﯛﺭﻏﺎﻥ، 1917 ‏- ﻳﯩﻠﻰ 2 ‏- ﯞﻩ 3 ‏- ﻗﯩﺴﯩﻤﻠﯩﺮﻯ ﻧﻪﺷﺮ ﻗﯩﻠﯩﻨﻐﺎﻥ. ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ ﻣﻪﻫﻤﯘﺕ ﻗﻪﺷﻘﯩﺮﻯ ﺗﻪﺭﯨﭙﯩﺪﯨﻦ ﻳﯧﺰﯨﻠﯩﭗ ﺑﺎﻏﺪﺍﺕ ﭘﺎﺩﯨﺸﺎﻫﯩﻐﺎ ﺗﻪﻗﺪﯨﻢ ﻗﯩﻠﯩﻨﻐﺎﻧﺪﯨﻦ ﻛﯧﻴﯩﻦ ﺑﯩﺮ ﻗﺎﻧﭽﻪ ﻳﯜﺯ ﻳﯩﻞ ﻳﻮﻗﺎﭖ ﻛﻪﺗﻜﻪﻥ ﺑﻮﻟﯘﭖ، ﺋﺎﺧﯩﺮﻯ ﺋﻪﻟﻰ ﺋﻪﻣﯩﺮﻯ ﺋﻪﭘﻪﻧﺪﻯ ﺗﯧﭙﯩﭗ ﭼﯩﻘﯩﭗ ﺗﯜﻧﺠﻰ ﻗﯧﺘﯩﻢ 1915 ‏- ﻳﯩﻠﻰ ﻧﻪﺷﺮ ﻗﯩﻠﯩﻨﻐﺎﻥ، ﺷﯘﻧﯩﯔ ﺑﯩﻠﻪﻥ ﺑﯘ ﻛﯩﺘﺎﺏ ﺗﯜﺭﻙ ﺗﯩﻠﻰ ﯞﻩ ﺋﻪﺩﻩﺑﯩﻴﺎﺗﯩﻐﺎ ﺋﺎﺳﺎﺱ ﺳﺎﻟﻐﺎﻥ. ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ ﻳﯧﺰﯨﻠﯩﭗ ﺑﯩﺮ ﻗﺎﻧﭽﻪ ﻳﯜﺯ ﻳﯩﻞ ﻳﻮﻗﺎﭖ ﻛﻪﺗﻜﻪﻧﺪﯨﻦ ﻛﯧﻴﯩﻦ ﺗﯜﻧﺠﻰ ﺑﻮﻟﯘﭖ 1915 ‏- ﻳﯩﻠﻰ ﺋﻪﻟﻰ ﺋﻪﻣﺮﻯ ﺋﻪﭘﻪﻧﺪﻯ ﺗﻪﺭﯨﭙﯩﺪﯨﻦ ﺋﯩﺴﺘﺎﻧﺒﯘﻟﺪﺍ ﻧﻪﺷﺮ ﻗﯩﻠﯩﻨﻐﺎﻥ."

ﻣﯘﺭﺍﺳﯩﻢ ﺋﺎﺧﯩﺮﯨﺪﺍ ﻓﺎﺗﯩﻬ ﺭﺍﻳﻮﻧﻠﯘﻕ ﺷﻪﻫﻪﺭ ﺑﺎﺷﻠﯩﻘﻰ ﻣﯘﺳﺘﺎﻓﺎ ﺩﯦﻤﯩﺮ ﺋﻪﭘﻪﻧﺪﻯ ﻣﯘﺭﺍﺳﯩﻤﺪﺍ ﺳﯚﺯ ﻗﯩﻠﻐﯘﭼﯩﻼﺭﻧﻰ ﺗﻪﺑﺮﯨﻜﻠﻪﭖ ﺗﻪﻗﺪﯨﺮﻧﺎﻣﻪ ﺗﻪﻗﺪﯨﻢ ﻗﯩﻠﺪﻯ. ﻳﯩﻐﯩﻦ ﺯﺍﻟﯩﻨﯩﯔ ﻛﯚﺭﮔﻪﺯﻣﻪ ﻣﻪﻳﺪﺍﻧﯩﺪﺍ ﺋﻪﻟﻰ ﺋﻪﻣﯩﺮﻯ ﺋﻪﭘﻪﻧﺪﯨﻨﯩﯔ ﻛﯩﺘﺎﺑﻠﯩﺮﻯ ﯞﻩ ﺧﯘﺳﯘﺳﯩﻲ ﺋﻪﺷﻴﺎﻟﯩﺮﻯ ﻛﯚﺭﮔﻪﺯﻣﻪ ﻗﯩﻠﯩﻨﻐﺎﻥ ﺑﻮﻟﯘﭖ، ﻛﯚﺭﮔﻪﺯﻣﯩﮕﻪ ﻣﻪﻫﻤﯘﺕ ﻗﻪﺷﻘﯩﺮﯨﻨﯩﯔ "ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ" ﻧﯩﯔ ﻗﻮﻟﻴﺎﺯﻣﺎ ﻧﯘﺳﺨﯩﺴﯩﻤﯘ ﻗﻮﻳﯘﻟﻐﺎﻥ.

ﺑﯩﺰ ﻣﯘﺭﺍﺳﯩﻢ ﺋﺎﺧﯩﺮﻻﺷﻘﺎﻧﺪﺍ ﻓﺎﺗﯩﻬ ﺭﺍﻳﻮﻧﻠﯘﻕ ﺷﻪﻫﻪﺭ ﺑﺎﺷﻠﯩﻘﻰ ﻣﯘﺳﺘﺎﻓﺎ ﺩﯦﻤﯩﺮ ﺋﻪﭘﻪﻧﺪﻯ ﺑﯩﻠﻪﻥ ﺋﻪﻟﻰ ﺋﻪﻣﯩﺮﻯ ﺋﻪﭘﻪﻧﺪﻯ ﯞﻩ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ ﻫﻪﻗﻘﯩﺪﻩ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ.

ﻣﯘﺳﺘﺎﻓﺎ ﺩﯦﻤﯩﺮ ﺋﻪﭘﻪﻧﺪﻯ ﺋﻪﻟﻰ ﺋﻪﻣﯩﺮﻯ ﺋﻪﭘﻪﻧﺪﻯ ﯞﻩ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ ﻫﻪﻗﻘﯩﺪﻩ ﺳﯚﺯ ﻗﯩﻠﯩﭗ ﻣﯘﻧﺪﺍﻕ ﺩﯦﺪﻯ: ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ ﺩﯦﮕﻪﻥ ﺑﯩﺮ ﻛﯩﺘﺎﺑﻨﯩﯔ ﺑﺎﺭﻟﯩﻘﯩﻨﻰ ﻫﻪﻣﻤﻪ ﻛﯩﺸﻰ ﺑﯩﻠﮕﻪﻥ ﺑﻮﻟﺴﯩﻤﯘ، ﺑﯘ ﻛﯩﺘﺎﺏ ﺋﻮﺗﺘﯘﺭﯨﺪﺍ ﻳﻮﻕ ﺋﯩﺪﻯ. ﺋﻪﻟﻰ ﺋﻪﻣﯩﺮﻯ ﺋﻪﭘﻪﻧﺪﻯ ﺑﻪﻳﺎﺯﯨﺖ ﺳﺎﻫﺎﻓﻼﺭ ﺑﺎﺯﯨﺮﯨﺪﯨﻜﻰ ﺑﯩﺮ ﻛﯩﺘﺎﺏ ﺩﯗﻛﯩﻨﯩﺪﺍ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﯩﻨﻰ ﺗﯘﻳﯘﻗﺴﯩﺰ ﺋﯘﭼﺮﯨﺘﯩﭗ ﻗﺎﻟﻐﺎﻥ ﯞﻩ ﺋﯘ ﻛﯩﺘﺎﺑﻨﻰ ﺳﯧﺘﯩﯟﺍﻟﻐﺎﻥ ﯞﻩ ﻳﻮﻗﺎﭖ ﻛﯧﺘﯩﺸﯩﺪﯨﻦ ﺋﻪﻧﺪﯨﺸﻪ ﻗﯩﻠﯩﭗ ﻫﯧﭽﻜﯩﻤﮕﻪ ﻛﯚﺭﺳﻪﺗﻤﻪﻱ ﺳﺎﻗﻠﯩﻐﺎﻥ. ﺋﻪﻟﻰ ﺋﻪﻣﯩﺮﻯ ﺋﻪﭘﻪﻧﺪﻯ ﺋﯩﺴﺘﺎﻧﺒﯘﻟﺪﯨﻜﻰ ﻣﯩﻠﻠﻪﺕ ﻛﯘﺗﯘﭘﺨﺎﻧﯩﺴﯩﯩﻨﻰ ﻗﯘﺭﯗﭖ ﺋﯘ ﻛﯜﺗﯜﭘﺨﺎﻧﯩﻐﺎ ﺋﯚﺯﻯ ﺗﻮﭘﻠﯩﻐﺎﻥ 16 ﻣﯩﯔ ﭘﺎﺭﭼﻪ ﺋﻪﺳﻪﺭﻧﻰ ﺗﻪﻗﺪﯨﻢ ﻗﯩﻠﻐﺎﻥ. ﺋﺎﺭﯨﺪﯨﻦ 85 ﻳﯩﻞ ﺋﯚﺗﻜﻪﻧﺪﯨﻦ ﻛﯧﻴﯩﻦ ﺑﯩﺰ ﺋﯘﻧﯩﯖﻐﺎ ﻫﯚﺭﻣﻪﺕ ﺑﯩﻠﺪﯛﺭﯛﭖ ﻓﺎﺗﯩﻬ ﺭﺍﻳﻮﻧﯩﺪﺍ ﺋﻪﻟﻰ ﺋﻪﻣﯩﺮﻯ ﻣﻪﺩﻩﻧﯩﻴﻪﺕ ﻣﻪﺭﻛﯩﺰﻯ ﻗﯘﺭﯗﭖ ﭼﯩﻘﺘﯘﻕ. ﺋﻪﻟﻰ ﺋﻪﻣﯩﺮﻯ ﺋﻪﭘﻪﻧﺪﻯ ﺋﯚﺯﯨﻨﻰ ﻛﯩﺘﺎﺑﻘﺎ ﯞﻩ ﻛﯩﺘﺎﺑﻠﯩﺮﯨﻨﻰ ﻣﯩﻠﻠﻪﺗﻜﻪ ﺗﻪﻗﺪﯨﻢ ﻗﯩﻠﻐﺎﻥ ﺋﯩﺴﺘﺎﻧﺒﯘﻝ ﺷﻪﻫﯩﺮﯨﺪﯨﻜﻰ ﺩﺍﯕﻠﯩﻖ ﻣﯩﻠﻠﻪﺕ ﻛﯘﺗﯘﭘﺨﺎﻧﯩﺴﯩﻨﯩﯔ ﻗﯘﺭﻏﯘﭼﯩﺴﻰ ﺷﯘﻧﺪﺍﻗﻼ ﻣﻪﻫﻤﯘﺕ ﻗﻪﺷﻘﯩﺮﯨﻨﯩﯔ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ ﺩﯦﮕﻪﻥ ﻣﯘﻫﯩﻢ ﻛﯩﺘﺎﺑﻨﻰ ﺗﯧﭙﯩﭗ ﭼﯩﻘﯩﭗ ﺗﯜﺭﻙ ﺗﯩﻠﻰ ﯞﻩ ﺋﻪﺩﻩﺑﯩﻴﺎﺗﯩﻐﺎ ﺋﺎﻻﻫﯩﺪﻩ ﺗﯚﻫﭙﻪ ﻗﻮﺷﻘﺎﻥ ﺷﻪﺧﺲ . ﺋﻪﻟﻰ ﺋﻪﻣﯩﺮﻯ ﺋﻪﭘﻪﻧﺪﻯ 1857 ‏- ﻳﯩﻠﻰ ﺩﯨﻴﺎﺭﺑﻪﻛﯩﺮ ﺷﻪﻫﯩﺮﯨﺪﻩ ﺗﯘﻏﯘﻟﯘﭖ 1924 ‏- ﻳﯩﻠﻰ ﺋﯩﺴﺘﺎﻧﺒﯘﻟﺪﺍ ﯞﺍﭘﺎﺕ ﺑﻮﻟﻐﺎﻥ. ﺋﯘ ﺋﯚﻣﺮﯨﻨﯩﯔ ﺋﺎﺧﯩﺮﯨﻐﯩﭽﻪ ﺋﯩﺴﺘﺎﻧﺒﯘﻟﺪﯨﻜﻰ ﻣﻪﺷﻬﯘﺭ ﻣﯩﻠﻠﻪﺕ ﻛﯘﺗﯘﭘﺨﺎﻧﯩﻨﯩﯔ ﻣﯘﺩﯨﺮﻟﯩﻖ ﯞﻩﺯﯨﭙﯩﺴﯩﻨﻰ ﺋﯚﺗﯩﮕﻪﻥ.
 
ﻣﯘﺳﺘﺎﻓﺎ ﺩﯦﻤﯩﺮ ﺋﻪﭘﻪﻧﺪﻯ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﯩﻨﯩﯔ ﻳﺎﺯﻏﯘﭼﯩﺴﻰ ﻣﻪﻫﻤﯘﺕ ﻗﻪﺷﻘﯩﺮﯨﻨﯩﯔ ﺋﻪﯞﻻﺩﻟﯩﺮﻯ ﺑﻮﻟﻐﺎﻥ ﺋﯘﻳﻐﯘﺭﻻﺭﻧﯩﯔ ﻫﺎﺯﯨﺮﻗﻰ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ: " ﻣﻪﻥ ﺑﯩﺮ ﻓﺎﺗﯩﻬ ﺭﺍﻳﻮﻧﯩﻨﯩﯔ ﺷﻪﻫﻪﺭ ﺑﺎﺷﻠﯩﻘﻰ ﺑﻮﻟﯘﺵ ﺳﯜﭘﯩﺘﯩﻢ ﺑﯩﻠﻪﻥ ﺋﯘ ﻳﻪﺭﺩﯨﻜﻰ ﺋﯘﻳﻐﯘﺭ ﻗﯧﺮﯨﻨﺪﺍﺷﻠﯩﺮﯨﻤﯩﺰﻧﯩﯔ ﺋﻪﻫﯟﺍﻟﯩﻐﺎ ﻗﺎﻳﻐﯘﺭﻣﺎﻱ ﺗﯘﺭﺍﻟﻤﺎﻳﻤﻪﻥ، ﺋﯘﻻﺭ ﺋﯜﭼﯜﻥ ﺗﯩﻨﭻ ﯞﻩ ﺭﺍﻫﻪﺕ ﺑﯩﺮ ﻣﯘﻫﯩﺖ ﺑﻮﻟﯘﺷﯩﻨﻰ ﺋﺎﺭﺯﯗ ﻗﯩﻠﯩﻤﯩﺰ، ﺋﯚﺯﻟﯩﺮﯨﻨﯩﯔ ﯞﻩ ﺑﺎﻟﯩﻠﯩﺮﯨﻨﯩﯔ ﻛﻪﻟﮕﯜﺳﯩﺪﯨﻦ، ﻣﻪﺩﻩﻧﯩﻴﻪﺕ ‏- ﻛﯜﻟﺘﯜﺭﯨﻨﯩﯔ ﻛﻪﻟﮕﯜﺳﯩﺪﯨﻦ ﺋﻪﻧﺪﯨﺸﻪ ﻗﯩﻠﻤﺎﻳﺪﯨﻐﺎﻥ ﺑﯩﺮ ﺋﻮﺭﯗﻥ ﺑﻮﻟﯘﺷﯩﻨﻰ ﺋﯜﻣﯩﺪ ﻗﯩﻠﯩﻤﯩﺰ، ﺋﯘﻻﺭﻏﺎ ﺩﯗﺋﺎ ﻗﯩﻠﯩﻤﯩﺰ."

ﻣﯘﺳﺘﺎﻓﺎ ﺩﯦﻤﯩﺮ ﺋﻪﭘﻪﻧﺪﻯ ﺋﯘﻳﻐﯘﺭﻻﺭﻏﺎ ﺳﺎﻟﻼﻡ ﻳﻮﻟﻼﭖ ﻣﯘﻧﺪﺍﻕ ﺩﯦﺪﻯ: "ﺑﯘ ﻳﻪﺭﺩﻩ ﻳﻪﻧﻰ ﺋﯩﺴﺘﺎﻧﺒﯘﻟﺪﺍ ﺗﻪﺧﻤﯩﻨﻪﻥ 1100 ﻳﯩﻞ ﺋﯩﻠﮕﯩﺮﻯ ﺋﯘ ﻳﻪﺭﺩﯨﻦ ﺋﺎﻳﺮﯨﻠﯩﭗ ﺑﯘ ﻳﻪﺭﻧﻰ ﯞﻩﺗﻪﻥ ﺗﯘﺗﻘﺎﻥ ﺋﯘ ﺋﻪﺟﺪﺍﺩﻻﺭﻧﯩﯔ ﺋﻪﯞﻻﺩﻟﯩﺮﻯ، ﻧﻪﯞﺭﯨﻠﯩﺮﻯ ﺑﻮﻟﯘﺵ ﺳﺎﻻﻫﯩﻴﯩﺘﯩﻤﯩﺰ ﺑﯩﻠﻪﻥ، ﺑﯩﺰﺩﯨﻦ ﺋﯘﺯﺍﻗﺘﺎ ﺑﻮﻟﻐﺎﻥ، 1100 ﻳﯩﻞ ﺋﯩﻠﮕﯩﺮﻯ ﺋﺎﻳﺮﯨﻠﻐﺎﻥ ﺋﯘﻳﻐﯘﺭ ﻗﯧﺮﯨﻨﺪﺍﺷﻠﯩﺮﯨﻤﯩﺰﻏﺎ ﺋﯩﺴﺘﺎﻧﺒﯘﻟﺪﯨﻦ ﻫﯚﺭﻣﻪﺕ ﯞﻩ ﺳﺎﻻﻡ ﻳﻮﻟﻼﻳﻤﯩﺰ."