' ﺳﯜﺭﮔﯜﻥ ﯞﻩ ﺋﯚﻟﯜﻡ ' ﻧﺎﻣﻠﯩﻖ 9 ﻗﯩﺴﯩﻤﻠﯩﻖ ﺗﯧﻠﯧﯟﯨﺰﯨﻴﻪ ﻓﯩﻠﯩﻤﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻗﯩﺴﻤﻰ ﻛﯚﺭﺳﯩﺘﯩﻠﺪﻯ

ﺑﯘ ﻓﯩﻠﯩﻤﻨﻰ ﻛﯚﺭﯛﺷﻜﻪ ﭘﻪﻗﻪﺕ ﺋﯘﻳﻐﯘﺭ ‏ - ﻗﺎﺯﺍﻗﻼﺭ ﺩﻩﯞﻩﺕ ﻗﯩﻠﯩﻨﻐﺎﻥ ﺑﻮﻟﯘﭖ، ﻓﯩﻠﯩﻤﻨﻰ ﻛﯚﺭﯛﺷﻜﻪ ﺋﯩﺴﺘﺎﻧﺒﯘﻝ ﺷﻪﻫﯩﺮﯨﻨﯩﯔ ﻫﻪﺭ ﻗﺎﻳﺴﻰ ﺭﺍﻳﻮﻧﻠﯩﺮﯨﺪﺍ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭ - ﻗﺎﺯﺍﻗﻼﺭﺩﯨﻦ ﻛﯚﭖ ﺳﺎﻧﺪﺍ ﻛﯩﺸﻰ ﺋﯩﺸﺘﯩﺮﺍﻙ ﻗﯩﻠﺪﻯ.

ﻓﯩﻠﯩﻢ ﺑﺎﺷﻠﯩﻨﯩﺸﺘﯩﻦ ﺋﯩﻠﮕﯩﺮﻯ ﻓﯩﻠﯩﻢ ﻫﻪﻗﻘﯩﺪﻩ ﻗﯩﺴﻘﺎ ﯞﺍﻗﯩﺘﻠﯩﻖ ﻣﯘﺭﺍﺳﯩﻢ ﺋﯚﺗﻜﯜﺯﯛﻟﮕﻪﻥ ﺑﻮﻟﯘﭖ، ﻣﯘﺭﺍﺳﯩﻤﺪﺍ ﺯﻩﻳﺘﯩﻨﺒﯘﺭﻧﯘ ﺭﺍﻳﻮﻧﻠﯘﻕ ﺷﻪﻫﻪﺭ ﺑﺎﺷﻠﯩﻘﻰ ﻣﯘﺭﺍﺩ ﺋﺎﻳﺪﯨﻦ، ﺯﻩﻳﺘﯩﻨﺒﯘﺭﻧﯘ ﺭﺍﻳﻮﻧﻠﯘﻕ ﻫﯚﻛﯜﻣﻪﺕ ﻣﻪﺟﻠﯩﺲ ﺋﻪﺯﺍﺳﻰ ﺋﯩﻠﻴﺎﺱ ﺳﺎﻛﺎ ﯞﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﺎﻣﻤﯩﯟﻯ ﺗﻪﺷﻜﯩﻼﺗﻼﺭﻧﯩﯔ ﻣﻪﺳﺌﯘﻟﻠﯩﺮﻯ ﺳﯚﺯ ﻗﯩﻠﺪﻯ. ﻣﯘﺭﺍﺳﯩﻤﺪﺍ ﻳﻪﻧﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﺎﻣﻤﯩﯟﻯ ﺗﻪﺷﻜﯩﻼﺗﻼﺭﻧﯩﯔ ﻧﺎﻣﯩﺪﺍ، ﺑﯘ ﻓﯩﻠﯩﻤﻨﯩﯔ ﺋﯩﺸﻠﯩﻨﯩﺸﯩﮕﻪ ﺋﺎﻻﻫﯩﺪﻩ ﻛﯚﯕﯜﻝ ﺑﯚﻟﯜﭖ ﻣﺎﺩﺩﻯ ﯞﻩ ﻣﻪﻧﯩﯟﻯ ﺟﻪﻫﻪﺗﺘﯩﻦ ﻫﻪﻣﻜﺎﺭﻟﯩﺸﯩﭗ ﻳﺎﺭﺩﻩﻡ ﻗﯩﻠﻐﺎﻥ ﺯﻩﻳﺘﯩﻨﺒﯘﺭﻧﯘ ﺭﺍﻳﻮﻧﻠﯘﻕ ﺷﻪﻫﻪﺭ ﺑﺎﺷﻠﯩﻘﻰ ﻣﯘﺭﺍﺩ ﺋﺎﻳﺪﯨﻨﻐﺎ ﺗﻪﺷﻪﻛﻜﯜﺭ ﺑﯩﻠﺪﯛﺭﯛﭖ ﺷﻪﺭﻩﭖ ﺗﺎﺧﺘﯩﺴﻰ ﺗﻪﻗﺪﯨﻢ ﻗﯩﻠﺪﻯ.

ﺑﯘ ﻓﯩﻠﯩﻤﮕﻪ ﺋﻪﺧﻤﻪﺕ ﺋﻮﻗﯘﺭ ﺋﯩﺴﯩﻤﻠﯩﻚ ﺷﻪﺧﺲ ﺭﯦﺠﯩﺴﺴﻮﺭﻟﯘﻕ ﻗﯩﻠﻐﺎﻥ ﺑﻮﻟﯘﭖ، 9 ﻗﯩﺴﯩﻤﺪﯨﻦ ﺗﻪﺭﻛﯩﭗ ﺗﺎﭘﻘﺎﻥ ﺑﯘ ﻓﯩﻠﯩﻤﻨﯩﯔ 7 ‏ - ﻗﯩﺴﯩﻤﻰ ﻣﻪﺧﺴﯘﺱ ﺧﯩﺘﺎﻱ ﺯﯗﻟﻤﯩﺪﯨﻦ ﻗﯧﭽﯩﭗ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻦ ﻫﯩﺠﺮﻩﺕ ﻗﯩﻠﻐﺎﻥ ﺷﻪﺧﺴﻠﻪﺭﻧﯩﯔ ﺗﯜﺭﻛﯩﻴﯩﮕﻪ ﻛﯚﭼﯜﭖ ﻛﯧﻠﯩﺶ ﺳﻪﭘﻪﺭ ﺟﻪﺭﻳﺎﻧﯩﺪﯨﻜﻰ ﺋﯧﭽﯩﻨﯩﺸﻠﯩﻖ ﺋﻪﻫﯟﺍﻟﻰ، ﭼﯧﮕﺮﯨﺪﯨﻦ ﺋﯚﺗﯜﺵ ﺟﻪﺭﻳﺎﻧﯩﺪﺍ ﺧﯩﺘﺎﻱ ﺋﻪﺳﻜﻪﺭﻟﯩﺮﯨﻨﯩﯔ ﺗﻮﺳﻘﯘﻧﻠﯩﻘﯩﻐﺎ ﺋﯘﭼﺮﺍﭖ ﺑﯧﺸﯩﺪﯨﻦ ﺋﯚﺗﻜﻪﻥ ﺋﯧﻐﯩﺮ ﻛﯜﻟﭙﻪﺗﻠﯩﺮﻯ، ﺗﺎﻍ ‏ - ﺩﺍﯞﺍﻧﻼﺭﻧﻰ ﺋﯧﺸﯩﺸﺘﺎ ﺗﺎﺭﺗﻘﺎﻥ ﺟﺎﭘﺎ ‏ - ﻣﯘﺷﺎﻗﻪﺗﻠﯩﺮﻯ ﺗﻪﺳﯟﯨﺮﻟﻪﻧﮕﻪﻥ.

9 ﻗﯩﺴﯩﻤﻠﯩﻖ ﺑﯘ ﺗﯧﻠﯧﯟﯨﺰﯨﻴﻪ ﻓﯩﻠﯩﻤﻰ ﺗﺎﺭﯨﺨﯩﻲ ﺧﺎﺭﺍﻛﺘﯧﺮﻟﯩﻚ ﺑﻮﻟﯘﭖ، 20 ‏ - ﺋﻪﺳﯩﺮﻧﯩﯔ 30 ﯞﻩ 48 ‏ - ﻳﯩﻠﻼﺭ ﺋﺎﺭﯨﺴﯩﺪﺍ ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﯨﻜﻰ 9 ﺩﯙﻟﻪﺗﺘﯩﻦ ﺗﯜﺭﻛﯩﻴﯩﮕﻪ ﻛﯚﭼﯜﭖ ﻛﯧﻠﯩﭗ ﺋﻮﻟﺘﯘﺭﺍﻗﻼﺷﻘﺎﻥ ﺗﯜﺭﻙ ﺧﻪﻟﻘﻠﻪﺭﻧﯩﯔ ﻛﯚﭼﯜﺵ ﺟﻪﺭﻳﺎﻧﯩﺪﯨﻜﻰ ﺑﯧﺸﯩﺪﯨﻦ ﺋﯚﺗﻜﻪﻥ ﺋﯧﭽﯩﻨﯩﺸﻠﯩﻖ ﺋﻪﻫﯟﺍﻟﻠﯩﺮﻯ ﺗﻪﺳﯟﯨﺮﻟﻪﻧﮕﻪﻥ. ﺑﯘ ﻓﯩﻠﯩﻢ ﺯﻩﻳﺘﯩﻨﺒﯘﺭﻧﯘ ﺭﺍﻳﻮﻧﻠﯘﻕ ﻫﯚﻛﯜﻣﻪﺕ ﺋﯩﺪﺍﺭﯨﺴﻰ ﺗﻪﺭﯨﭙﯩﺪﯨﻦ ﺋﯩﺸﻠﻪﻧﮕﻪﻥ ﺑﻮﻟﯘﭖ ﭘﯜﺗﻜﯜﻝ ﭼﯩﻘﯩﻤﻼﺭﻧﻰ ﺭﺍﻳﻮﻧﻠﯘﻕ ﻫﯚﻛﯜﻣﻪﺕ ﺋﯩﺪﺍﺭﯨﺴﻰ ﺗﻪﺳﺘﯩﻘﻠﯩﻐﺎﻥ.

ﻓﯩﻠﯩﻤﻨﯩﯔ ﻣﯘﻗﻪﺩﺩﯨﻤﯩﺴﻰ ﻣﯘﻧﺪﺍﻕ ﺑﺎﺷﻼﻧﻐﺎﻥ: ﻫﻪﻣﻤﻪﻳﻠﻪﻧﮕﻪ ﻣﻪﻟﯘﻡ ﺑﻮﻟﻐﯩﻨﯩﺪﻩﻙ ﺑﯜﻳﯜﻙ ﺗﯜﺭﻛﯩﺴﺘﺎﻧﻨﯩﯔ ﺑﯩﺮ ﭘﺎﺭﭼﯩﺴﻰ ﺑﻮﻟﻐﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ 250 ﻳﯩﻠﺪﯨﻦ ﺑﯩﺮﻯ ﺧﯩﺘﺎﻱ ﺋﯩﺸﻐﺎﻟﻰ ﺋﺎﺳﺘﯩﺪﺍ، ﯞﻩﺗﯩﻨﯩﻤﯩﺰﻧﻰ ﺋﯩﺸﻐﺎﻝ ﺋﺎﺳﺘﯩﺪﯨﻦ ﻗﯘﺗﯘﻟﺪﯗﺭﯗﺵ ﺋﯜﭼﯜﻥ ﺋﻪﺟﺪﺍﺩﻟﯩﺮﯨﻤﯩﺰﻧﯩﯔ ﺋﯧﻠﯩﭗ ﺑﺎﺭﻏﺎﻥ ﻣﯘﺟﺎﺩﯨﻠﯩﺮﻯ ﻧﻪﺗﯩﺠﯩﺴﯩﺪﻩ ﺋﯘ ﻳﻪﺭﺩﻩ ﺋﯩﻜﻜﻰ ﻗﯧﺘﯩﻢ ﺩﯙﻟﻪﺕ ﻗﯘﺭﺩﯗﻕ، ﺋﻪﻣﻤﺎ ﺋﻪﭘﺴﯘﺳﻠﯩﻨﺎﺭﻟﯩﻖ ﺑﯩﻠﻪﻥ ﺑﯘ ﺩﯙﻟﻪﺗﻠﻪﺭﻧﯩﯔ ﺋﯚﻣﺮﻯ ﺋﯘﺯﯗﻥ ﺑﻮﻟﻤﯩﺪﻯ.

ﺑﯘ ﻓﯩﻠﯩﻤﺪﻩ 130 ﻛﯩﺸﻰ ﺭﻭﻝ ﺋﺎﻟﻐﺎﻥ ﺑﻮﻟﯘﭖ، ﺋﯜﭺ ﻳﯩﻞ ﺗﯩﺮﯨﺸﯩﭗ ﺋﯩﺸﻠﻪﺵ ﻧﻪﺗﯩﺠﯩﺪﻩ 2008 ‏ - ﻳﯩﻠﻰ 2 ‏ - ﺋﺎﻳﺪﺍ ﺭﻩﺳﻤﻰ ﺋﯩﺸﻠﯩﻨﯩﭗ ﺑﻮﻟﻐﺎﻥ، ﺋﯚﺗﻜﻪﻥ ﻳﯩﻠﻰ 2 ‏ - ﺋﺎﻳﺪﺍ ﺑﯘ ﻓﯩﻠﯩﻤﻨﯩﯔ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﺋﯩﺸﻠﯩﻨﯩﭗ ﭼﯩﻘﻘﺎﻧﻠﯩﻘﯩﻨﻰ ﺗﻪﺑﺮﯨﻜﻠﻪﭖ ﺋﯩﺴﺘﺎﻧﺒﯘﻟﻨﯩﯔ ﺗﺎﻛﺴﯩﻢ ﺭﺍﻳﻮﻧﯩﻐﺎ ﺟﺎﻳﻼﺵ ﻟﯘﺗﻔﻰ ﻛﯩﺮﺩﺍﺭ ﺯﺍﻟﯩﺪﺍ، ﺗﯜﺭﻛﯩﻴﻪ ﻣﻪﺩﻩﻧﯩﻴﻪﺕ ﯞﻩ ﺳﺎﻳﺎﻫﻪﺕ ﻣﯩﻨﯩﺴﺘﯩﺮﻯ ﺋﻪﺭﺗﯘﻏﯘﻝ ﺳﺎﻏﻼﻣﻨﯩﯔ ﺋﯩﺸﺘﯩﺮﺍﻙ ﻗﯩﻠﯩﺸﻰ ﺑﯩﻠﻪﻥ ﺗﻪﺑﺮﯨﻜﻠﻪﺵ ﻣﯘﺭﺍﺳﯩﻤﻰ ﺋﯚﺗﻜﯜﺯﯛﻟﮕﻪﻥ ﺋﯩﺪﻯ. ﺑﯘ ﻓﯩﻠﯩﻢ ﺋﯚﺗﻜﻪﻥ ﻳﯩﻠﻰ ﺗﯜﺭﻛﯩﻴﯩﺪﯨﻜﻰ ﻗﺎﻧﺎﻝ 7 ﺗﯧﻠﯧﯟﯨﺰﯨﻴﯩﺴﯩﺪﻩ ﺑﯩﺮ ﻗﯧﺘﯩﻢ ﺗﺎﺭﻗﯩﺘﯩﻠﻐﺎﻥ.

ﺑﯩﺰ ﺑﯘ ﻓﯩﻠﯩﻤﻨﻰ ﻛﯚﺭﮔﻪﻥ ﺑﯩﺮ ﻗﯩﺴﯩﻢ ﺋﯘﻳﻐﯘﺭﻻﺭ ﺑﯩﻠﻪﻥ ﺋﯘ ﻓﯩﻠﯩﻢ ﻫﻪﻗﻘﯩﺪﻩ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ.